LESHELE 50:4 - Sumi Naga CL (Re-edited) Bible (BSI)

⁴ Pa no Paw timi shou küghatha beniye atsütsü eno ayeghi kusü:

BAIBEL (BSI)

⁴ Pano pawu timi shou kughathakeu jupeniye kungugha ngo ayeghi pelo thopi shipeniye kuke.

LESHELE 50:4 Mawu Ofanana

LESHELE 50:6

Kungugha no Pa chipiu mikucho sheshue, kughengu Alhou ampi no küghaküthau ke!

LESHELE 96:13

Ampeu zülo alephe nani, kughengu Pa no ayeghi shou küghathabe nike cheni. Pa no achipiu mikucho lono ayeghiqha shou eno Paw pükhükulu vecheo timiqo shou küghatha nani.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

ISAIAH 1:2

O atsütsü, inilo, O ayeghi, akini xükholo; kughengu Ampeu no pi ani: “I no atianuliqo tucho no saputhu, ikemu panoqo no I hebide ke.

JEREMIYA 2:9

“Ikehu Ni ye o mjochile aphi, Ampeu no asheshu, eno no tianuli tianuliqo mjochileni aphi.

ZAKINIU 30:19

Ishi tsala lo I no nongu zülo aküxü ngo akithi, kükümgha ngo müsüini keu qhitsü ani, eno atsütsü ngo ayeghi pelo thopi shipenike küsü ani. Tighenguno aküxü kishelu lo, tishianguno nongu eno no polo kughukomi ye xülu nani,

ZAKINIU 31:28

Alagha lo sakiphemi ngo kijemi kümtsü I zülo hekütsü lo, I no hipaqo pesü panongu vilo pini, eno panongu shou thopi shipenike kungugha ngo ayeghi kusüni.

ZAKINIU 32:1

“O kungugha, I no atsa pinike inilo, eno ayeghi ghi I tsa inilo.

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.

ZAKINIU 4:36

Pa no nongu ghasüni ke kungugha lono Pa sütsa nongu pelo chilupe. Ayeghi lono nongu pelo Paw miküqü kije ithulupe, eno nongu no ami lono Pa sütsa chilue.