LESHELE 50:14 - Sumi Naga CL (Re-edited) Bible (BSI)

¹⁴ Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

BAIBEL (BSI)

¹⁴ Shikimthi keu pesu Alhou lau aghashipe mllalo, eno Akughushuu lau piqhivekeu hu kumtsu shilo.

LESHELE 50:14 Mawu Ofanana

JOB 22:27

Nono Pa lau akighini shikelo Pa no chilutsü nani eno o shoqhi shikeu shikupulu nani.

LESHELE 147:1

Ampeu sheqhelo! Kughengu ni Lhou lau shikipili le phekeu ye aloe; kughengu hi ye alokiqipu, eno shikipili le ye achipi loke.

LESHELE 22:25

Ahoho kije lo Iw shekiqhe ye O launo ighie; Pa sümsa chekemi zülono I no I shoqhi shikupuni.

LESHELE 22:26

Aghime kitikhi lo akemi no chulu nani eno aghapiqilu nani; khunono Pa phucheni keno pano no Ampeu sheqhe nani! Nongu mlo alholo xü apeniu!

LESHELE 27:6

Itehi ye I ghümi I homxape akemi kümtsü shou I kütsü peqhe nani, I no Pa phiki lo ilo no alokivi shi ighamku aghakishi tsü nani; I no ale kungo pesü Ampeu lau shipili nani.

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

LESHELE 56:12

O Alhou, ni ye O lau I shoqhi shikupu masa nani; shikimthi kümllagho O lau shikupuni.

LESHELE 61:8

Ikehu I no tsala kipetsü I shoqhi shikupu keu shi alholo O je sheqhe ale pheni.

LESHELE 65:1

O Alhou, Zion lono O sheqheni keu ye aküzüpue eno O lau tushokiqhi shikupuni.

LESHELE 69:32

Kughou aqhokighemi no ti ithuluni keno alovi nani; khuu no Alhou phucheni keno nongu mlo püxü kithelo.

LESHELE 76:11

Ampeu O Lhou vilo kiu shinie pi püani keno shilo; akupunu lo akeqo pelo khuu sümsa masa keno Pa lau agho süghi pelo,

LESHELE 76:12

Pa no kükapumi kuchunive eno kükami shithüghüi cheni.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

NAHUM 1:15

Khuu asütsa kivi pecheni eno külakishi sheshu cheni keno, naghuto lo chenike julo! Ow tiqhetiniqo pini lo, O Judah; o shoqhiqo shikupulo, kughengu amekükühami ye khilemu o leighi kithemae; pa ye qhoi kütsapinyivae.

NAHUM 2:1

O haleveni kemi ye ighivae. Aghukhe-a lo ngoluve lo; alaghi khekuto lo; aghü shinike aghili kutolulo; o kumto kümtsü pephelo.

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

ZAKINIU 23:21

“Nongu no Ampeu nongu Lhou lau ashoqhi shikelo süpushu moni, kughengu Ampeu nongu Lhou ye nongu launo ti khu nani, eno akipimi nongu tsü nanike.

ZAKINIU 23:22

Ikemu nongu no tushoqhi moaye, tipau ghenguno akipimi shimo nani.

ZAKINIU 23:23

Kiu pive akeno shinike kutokupui lo, kughengu nongu kutoshi no Ampeu lau piqhive ake.

ZAKINIU 23:24

“Nongu no nongu kisüghüu tsailu lo ilo kelo, chuni shike thaqhü chulu nani, ikemu süqhu loye süpu kevilo.

1 Thes. 5:18

atüqhüdo kümtsü lo shikimthi tsülo, kughengu Ampeu Khristo Jisü gholo hi no nongu ghenguno Alhou pulou ke.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.