LESHELE 39:5 - Sumi Naga CL (Re-edited) Bible (BSI)

⁵ Julo, Nono I tsala pesü auka qhemi kughulhove tsüae, eno I küxü mpe ye O zülo kiumu kumoe. Mtsüqheino timi kümtsü küxü ye atuthu kishe lakhi qhemie!

BAIBEL (BSI)

⁵ Nono ikuxu kishi kughukhove tsu kya! ozulo ikuxu tsalaye kumu kuhae. Mutsuqheyino timi kuxuye atuthu kishe lakhi qhemi likhie,

LESHELE 39:5 Mawu Ofanana

BOTHUBO 47:9

Jacob no Pharaoh vilo pi, “I küxü lo kachena shi ighikeu hi ampe 130 shivae. Ampe aghulo likhi aphi ikemu shilusake pachi, eno I puasüqo küxü mpe qhemi kumoe.”

SAMUEL AKINIU 19:34

Ikemu Barzillai no akükau vilo pi, “I no ampe khije itaghi xü anani pi akükau gholono Jerusalem lo iqhoni kea?

JOB 7:6

I tsala ye aghikughomi züngü nguno akümthüu eno lajupu kühano ashehove ani.

LESHELE 144:4

Timi ye atuthu lakhi toike; pa tsala ye wove chekeu yekükhü toike.

LESHELE 39:11

Kughou axine ghenguno sakiyi ghi Nono timi lakhi ghasüni keno, Pa no akighipi shi akeu Nono amimi toi kütsave tsü cheni; mtsüqheino timi kümtsü küxü ye atuthu kishedo lakhi ke!

LESHELE 62:9

Akuchunimi ye atuthu kishedo lakhie; qhemghai xü chekemi küxü ye pishikiqhi ke; pama no ahu kimghi lo ikujue; pama kümtsa mighiju kelo atuthu kishe nguno akümthüue.

LESHELE 89:47

I do ye kishi ikhonhei keno kümsü lulo! Kughengu No ye kiu vehu küküha lono timi lho kea!

LESHELE 90:12

Ikehu ni tsalaqo kihilu penike ni shikalo tishianguno ningu ye alokütsü mlo ithulu nani.

YETSAPIU 1:2

Adou mu adoue, Yetsapiu no pi, adou mu adoue! Thokha kümtsü adou ke.

YETSAPIU 2:11

Tishino I no I u no mlaqhilu keqo ngo akaghashi mlakeu kümsükuto jukelo, ti kümtsü adou shi aghi eno amülhü küghaju püha ketoive. Khetsünhe qholo kiumu ala shilu kepu kühae.

ISAIAH 40:17

Pa zülo shiyeqo ye kiumu kumo, Pa ye tipaqo pe abokümsa nguno akimkheu shi kihi cheni.

James 4:14

Kughengu thoghiu ye kiu shive nani keno nongu ye mtha aphie. Nongu küxü ye kiu kea? Kughengu nongu ye akimhi no ado kitila ipeghi no pai hauve ketoi ke.

2 Peter 3:8

Ikemu kimiye chekeqo, kuchou vehu lakhi hi juzüve kevilo, Ampeu zülo atsala lakhi ye ampe qhethonhe paphi, eno ampe qhethonhe ye atsala lakhi paphie.