LESHELE 31:3 - Sumi Naga CL (Re-edited) Bible (BSI)

³ Kughengu No ye I tuqu eno I sükusho liwoke; O je lono I sache lo eno I laghi kichepiye tsülo;

BAIBEL (BSI)

³ Noye ino ijehkepu tuqu eno isusholukepu liwoke, nono piqhi puake toi ila piye eno isachelo.

LESHELE 31:3 Mawu Ofanana

NEHEMIA 9:12

Puchou no khüngküsü tsükucho shi Nono panongu sache, eno putho lono ami tsükucho shino alaghi yepüvü panongu sawuke.

NEHEMIA 9:19

Ow kimiyekini shishe kije akeu vecheo, No ye asayeqha lo panongu pheve moe. Khüngküsü tsükucho, puchou pano sasü chekeu no panongu launo kühave moe eno titoi ami tsükucho, putho lo panongu laghi yetsü chekeu hu ghi panongu pheve moe.

LESHELE 102:3

I küxü ye amchhi toi hauve ani, eno I ghi-anhü ye ayikiyiqibo miküiqü toi pitipüza ani.

LESHELE 116:2

Kughengu Pa no Pa kini I lau kugho puwo tsüke, tighenguno I no xüake tivilo Pa ku anani.

LESHELE 139:24

Eno I lolo kixikila kiukiumu aghini mala jutsülo; eno lhokta laghi lo I sawulo!

LESHELE 18:2

Ampeu ye I tuqu eno I liwo, eno I xaphekuluu, I Lhou, I tuqu, I no O launo sükusho lucheni, I züto, I xakulu kibo, eno Iw sükusho-a.

LESHELE 25:11

O Ampeu, O je lono I kipimi qhive tsülo, kughengu I kipimi ye kije ke.

LESHELE 25:5

O chipiu pesü I shika eno I sachelo, kughengu No ye I xakuluu Lhou ke; atsala kupuju ni ye O ngokhe anie.

LESHELE 25:9

Pa no aqhokighemi sasü achipiu lo wucheni eno aqhokighemi lau Pa laghi shika cheni.

LESHELE 43:3

O küvü eno kuchou puwulo; tipaqo no I sache pelo; tipaqo no O kimthe toghi eno O kungo-a lo I sasü ighi pelo.

LESHELE 71:3

I ghenguno sükusho tuqu shitsü lo, tipau lau I no alhokuthu ighini, Nono I xalu peniye azah tsüvae, kughengu No ye I tuqu eno I sükusho liwo ke.

LESHELE 79:9

O je kipipu ghenguno ni kuphulo, O ni xakulu Lhou; O je lono ni xaphe tsülo eno ni xine lono shikimthe tsülo!

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

Luke 1:79

aküzü eno akithi yekükhü lo akeqo lau aküvü tsü nani, eno aloino keu laghi lo ni pukhu kichetsü ghi wu nani.”

John 16:13

Kughou Kuchou Ghungu ighini keno, pa no kuchou ghili kümtsü lo nongu saphe sawu nani, kughengu pa ye pa kutoshino pimo nani, ikemu pa no kiu chilu keno pi nani eno ighini ye akeqo ghili nongu vilo pi nani.

Ephesiami 1:12

tishianguno ningu khunoqo paghino Khristo lau lajubelu keno, Alhou jekipipu sheqheni keu lo ghi titoi peniye ke.

JOSHUA 7:9

Kughengu Canaanmi eno hipa qhalo küami no ti chilunia eno panongu no ni botha luve no ningu je ayeghi hipau lono pühave tsüniae. O je kije ghenguno kiu shini akea?”