LESHELE 25:5 - Sumi Naga CL (Re-edited) Bible (BSI)

⁵ O chipiu pesü I shika eno I sachelo, kughengu No ye I xakuluu Lhou ke; atsala kupuju ni ye O ngokhe anie.

BAIBEL (BSI)

⁵ Owu kuchou ghola lono xulupenike ishika piyelo, kughengu noye ixaluchekeu Lhou ke; Atsala kupuju ino ngo okhe acheni.

LESHELE 25:5 Mawu Ofanana

BOTHUBO 49:18

Ow xakulupu I no ngokhe anie, O Ampeu.

NEHEMIA 9:20

O Ghungu kivi Nono panongu tsü, pano launo Ow manna süchileve moe eno pano tüghü ghenguno azü tsüke.

JOB 36:22

Julo, Alhou ye Pa küka lono akiqheu-a lo süqhe püani; Pa toike shikükau khuu ani kea?

LESHELE 107:7

Panongu no ilo küghüna kepu mishighüna tolu moke kutolo Pa no alaghi kümzü lono panoqo sasü wue.

LESHELE 119:26

Kughou I no I laghiqo O vilo pi keno, Nono I khochile tsüe; O yezah I shika piyelo!

LESHELE 119:33

O Ampeu, O zakütsü laghiqo I shika tsülo; eno I no ashekha kutolo tipau papeni.

LESHELE 119:66

Xakütha kivi eno akighithi I shika tsülo, kughengu ni ye O yezah pülü ani.

LESHELE 119:97

O ni ye O yezah kishita kimiye kelae! Ti ye atsala kupuju I no kümsüputho achekeu ke.

LESHELE 22:2

O I Lhou, I no puchou no ighamku kemu Nono I khochile moe, I no putho lono ighamku kemu ni ye akulhoqhi mlae.

LESHELE 24:5

Pa ye Ampeu launo kükümgha eno Alhou pa xakuluu launo achipiu mikucho ithulu nani.

LESHELE 25:10

Ampeuw puloshoqhi eno Pa shepe papelu kemi laghi ye iqemokeu kikimiye eno pükhükulu ke.

LESHELE 25:8

Ampeu ye akivi eno achipiu; tighenguno Pa no axinemi lau Pa laghi kütsüshika cheni.

LESHELE 68:20

Ni Lhou ye xakulu Lhou ke, akithi lono xalu chekeu ye Ampeu, Alhou lau ani.

LESHELE 79:9

O je kipipu ghenguno ni kuphulo, O ni xakulu Lhou; O je lono ni xaphe tsülo eno ni xine lono shikimthe tsülo!

LESHELE 86:3

O Ampeu, I küpüqhiyi tsülo, kughengu ni ye O lau atsala kupuju qa ani.

LESHELE 88:1

O Ampeu, I xakulu Lhou; I no putho pucho kupuju O zülo qae.

AHOLE 23:17

Axinemi jumine kevilo, ikemu aküxü tivilo tamono Ampeu sükümsa lono xülo.

AHOLE 8:34

Khuu no I tsa chilu no tsalakipe Iw khagho lono I jukuto, I kikha lono kheni keno akümghapue.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

John 16:13

Kughou Kuchou Ghungu ighini keno, pa no kuchou ghili kümtsü lo nongu saphe sawu nani, kughengu pa ye pa kutoshino pimo nani, ikemu pa no kiu chilu keno pi nani eno ighini ye akeqo ghili nongu vilo pi nani.

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

Rommi 8:14

Khunono Alhou Ghungu pelo saphepe cheni keno kümtsü Alhou nuliqo ke.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”