LESHELE 25:10 - Sumi Naga CL (Re-edited) Bible (BSI)

¹⁰ Ampeuw puloshoqhi eno Pa shepe papelu kemi laghi ye iqemokeu kikimiye eno pükhükulu ke.

BAIBEL (BSI)

¹⁰ Khunoqono AMPEU wu puloshoqhi eno pa kuxu shepe pelu cheni keno, panoqo ghenguno AMPEU laghiqoye iqemokeu kikimiye eno pukhube kulu shi cheni.

LESHELE 25:10 Mawu Ofanana

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

BOTHUBO 24:27

eno pi, “I mpeu Abraham Lhou, Ampeu, khuu no Paw iqemokeu kikimiye eno Paw pükhükulu I mpeu launo süchileve mo keno, Pa sheqhelo. I ghengu ye, Ampeu no ala kupuju lo I kiche sasü I mpeu no bolomi kilo süve tsüae.”

BOTHUBO 5:24

Pa ye Alhou gholo checheke, eno pa ye phumlave, kughengu Alhou no pa sawuve.

SAMUEL AKINIU 15:20

No ye ighina no ighi aphi püzü ishi ye I no khila wucheni keno mthamu ningu gholo o sawuveni keshea? O thiküzümi sasü idewove lo, Ampeuw iqemokeu kikimiye eno pükhükulu o piye penie.”

LESHELE 138:7

I no aveküsa lo cheche namu, Nono I küxü püxü tsüe; Nono O u xachhope I ghümi loghu tuchile, eno O u ajeu no I xaphe tsüke.

LESHELE 33:4

Kughengu Ampeu tsa ye kuchou, eno Pa kümla kümtsü pükhükulu lono mlae.

LESHELE 40:11

O Ampeu, Nou ye Ow küpükini I launo ikhivemo nani; Ow iqemokeu kikimiye eno pükhükulu no I püxüpe anani!

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

LESHELE 57:3

Pa no kungugha lono puwu no I xalu nani; Pa no I qoda akeu shikukujo nani. Alhou no Paw iqemokeu kikimiye eno pükhükulu puwu nani!

LESHELE 85:10

Iqemokeu kikimiye ngo pükhükulu ye kusholu cheni; achipiu mikucho ngo külakishi ye kümüma kilelu cheni.

LESHELE 89:14

Achipiu mikucho eno kuchou xakütha no O kükalakhü boqha; iqemokeu kikimiye eno pükhükulu no O züu checheni.

LESHELE 91:14

“Kughengu pa no kikimiye kumto lono I tsüqüpe ngoke, I no pa xalu nani; I no pa süsho nani, kughengu pa ye I je ithi ani.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

ISAIAH 25:1

O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

HOSIYA 14:9

Khukhumu alokütsüu no hipaqo vethalulo; Khuu no kimchilu cheni keno, pa no ithilo; kughengu Ampeu laghi ye achipi ke, eno müzüchoi xüche kemi no tipau laghi püla cheni, ikemu axinemi ye tipaqo lono küpxalu chenie.

ZEFANIA 2:3

Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

Apostolmi 10:35

ikemu shiye kümtsü gholo khukhumu Pa sümsa eno achipiu shikeu ye ikhikulupu shicheni.

Rommi 2:13

Kughengu Alhou zülo ye Ayezah chikulumi no kumono pekupulu kemiu no achipikalu nani.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

James 5:11

Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.