LESHELE 18:28 - Sumi Naga CL (Re-edited) Bible (BSI)

²⁸ Kughengu I kulu küiqü tsükeu ye No ke; Ampeu I Lhou no I küzü yepüvü tsücheni.

BAIBEL (BSI)

²⁸ O AMPEU, nono ikulu yepuvulupeke, iLhou, nono ikuzu yepuvu tsue.

LESHELE 18:28 Mawu Ofanana

SAMUEL AKINIU 22:29

O Ampeu, No ye I kulu, I Lhou no I küzü yepüvü tsüe.

KUKAMI ATUGHIU 11:36

Eno pa nu lau I no ashiaye lakhi tsüni, tishikeu lono I qeu David kuluqhe ye I no I je ghenguno kishelu keu phughi Jerusalem lo I zülo ache penie.

KUKAMI ATUGHIU 15:4

Ikeghi David ghenguno Ampeu pa Lhou no pa shelo ayepe no Jerusalem iqhikumto penike anu lakhi pa tsükeu lono akulu lakhi Jerusalem lo qhitsü,

JOB 18:6

Pa kilo aküvü ye züchiyi eno pa zülo akulu huye inheve nani.

JOB 29:3

tipa ghuloki loye Pa kulu no I kütsü shou yepe ache, eno I no Pa küvü lono aküzü vechesü wucheke,

LESHELE 112:4

Timi kivimi ghenguno aküvü no aküzü lo yepüvü tsü nani, pa ye küpüqhiyi, kimiyeqhiyi eno amikucho ke.

LESHELE 132:17

I no tile David ghenguno akibo lakhi mini ipeghipe nani; Iw nukikishe ghenguno akulu lakhi I no kutope qhivae.

AHOLE 20:27

Timi nguagha ye Ampeu kulu, tino pa mlo alou akeu kümtsü phuju cheni.

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 62:1

Zion ghenguno Ni ye inaqhoi mo nani, eno Jerusalem ghenguno Ni ye qümüive mo nani, Liw achipiu-mikucho no vüqai yepüvü moke kutolo, eno liw xakulupu no akuluqhe iqü aketoi moke kutolo, Ni ye inaqhoive mo nani.

MATTHEW 4:16

aküzü lo ache keqo no aküvü kije ithuluvae, eno akithi yekükhü qholo ache keqo ye aküvü no ipeghi no panoqo shou yepüvü luvae.

Luke 1:79

aküzü eno akithi yekükhü lo akeqo lau aküvü tsü nani, eno aloino keu laghi lo ni pukhu kichetsü ghi wu nani.”

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.