LESHELE 138:2 - Sumi Naga CL (Re-edited) Bible (BSI)

² I no O kimthe chineki küdau juno itsaqi no Ow iqemokeu kikimiye ngo pükhükulu ghenguno O je shikimthi cheni, kughengu Nono O je eno O tsa pesü thokha kümtsü nguno akiqheu lo qhike.

BAIBEL (BSI)

² Iqemokeu kikimiye eno pukhukulu ghenguno niye okimthe chineki kudau jupuzu, itsaiqino oje sheqhe cheni, nono otsa eno oje pesu kutau kumtsu nguno akiqheushi ikhiqhekeu ghengunoke.

LESHELE 138:2 Mawu Ofanana

KUKAMI ATUGHIU 8:15

Pa no pi, “Israel Lhou Ampeu sheqhelo! Pa no I pu David lau tushoqhi püakeu, Pa u no ti shikupuvae; Pa no hitoi piqhi püake,

KUKAMI ATUGHIU 8:20

Ikehu Ampeu no Pa shoqhi shikupuvae. Kughengu I no I pu züqhulo Israelmi kükau shive no Ampeu no piqhike toi Israel kükalakhü lo iqaluvae, eno I no Israel Lhou Ampeu je ghenguno aki shivae.

KUKAMI ATUGHIU 8:24

Nono I pu David lau piqhi keu shikupue. O kichi lono piqhi eno O u no ishi tsala lono shikupu tsüe.

LESHELE 115:1

Ni lau kumoe, O Ampeu, ni lau kumoe, ikemu ajuküvü pesü O je shilo, Ow iqemokeu kikimiye eno Ow pükhükulu ghenguno ke!

LESHELE 28:2

Kughou I no kuphu penike O lau ighamkuni keno, I no shishe O kimthe-a küdau I u peqhe eno kimiye tsü penike qhüiniju kelo chilu tsülo.

LESHELE 5:7

Ikemu Ow iqemokeu kikimiye kupukuno akeu vecheo, ni ye O kilo ilolu nani. O sükümsa lono I no O kimthe chineki küdau pishiqho nani.

LESHELE 5:8

I ghümi anike O chipiu mikucho lono I sachelo, O Ampeu; I zülo O laghi müzüchoi shitsülo.

LESHELE 56:10

Alhou khuu tsa I no sheqhe cheni, Ampeu khuu tsa I no sheqhe cheni keno,

LESHELE 56:4

Khuu tsa I no sheqhe ani keno, Alhou tipau shou I no pükhübe ani; ni ye msave monani. Timi no I lau kiu shiluni kea?

LESHELE 85:10

Iqemokeu kikimiye ngo pükhükulu ye kusholu cheni; achipiu mikucho ngo külakishi ye kümüma kilelu cheni.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 99:5

Ampeu ni Lhou süqhelo; Pa pukhu kinepu lono mllalo! Pa ye akimthe ke!

LESHELE 99:9

Ampeu ni Lhou sheqhelo, eno Pa kimthe toghi lono mllalo; kughengu Ampeu ningu Lhou ye akimthe ke!

ISAIAH 42:21

Ampeu no Pa chipiu mikucho ghenguno amlo kiqishi Pa yezah süqhe eno ajuküvüpu shike.

ISAIAH 63:7

Ampeuw iqemokeu kikimiye I no kümsüchile nani; Ampeu shekiqhe, Ampeu no ningu tsükeu kiqi lono, eno Israel lo shishe akivi tsükeu ghenguno, ti ye Pa no Paw kimiyeqhiyi keu eno iqemokeu kikimiye kupukuno shi akeu kiqi lonoke.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

MATTHEW 5:18

Kughengu mtsüqheino I no nongu vilo piani, atsütsü eno ayeghi no hauve moke kutolo, Ayezah lo kiyethi akulotiu, momu choküsü lakhimu shikupu khamoke kutolo hauvemo nani.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

John 10:35

Khunoqo lau Alhou tsa ighi keno tipaqo pesü alhouqo kepi ku püaghi aye—eno Kuchoyesü ye pevemla ke—