LESHELE 127:1 - Sumi Naga CL (Re-edited) Bible (BSI)

¹ Ampeu no aki shiqhe tsümo aye, aki kishimi no aghime shi aju püka akeu ye adoue. Ampeu no mishighüna khekuto tsümo aye, aghukheu no khekuto akeu ye adoue.

BAIBEL (BSI)

¹ AMPEU no aki shiqhepuku tsumo aye aki kishimi ju kupuka adou; AMPEU no aphughi susho tsumo aye, aghukheuno kheakeu adouke.

LESHELE 127:1 Mawu Ofanana

KUKAMI ATUGHIU 5:12

Ampeu no Pa shoqhi kiqi lono alokütsü pesü Solomon tsü. Hiram ngo Solomon dolo külakishi ache eno pama no visho ghi qhive.

YEKIKITHI ATUGHIU 28:10

Itehi tsaqütsalei shilo, kughengu o pelo akimthe chineki mla penike Ampeu no o kisheluvae; ikehu akumto shino mla thulo.”

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

YEKIKITHI ATUGHIU 29:19

I nu Solomon pelo amlo tsüqhiyi O zakütsü eno ayezah kümtsü pekupulu pelo, tishianguno aki khipau shinike I no kutope qhivetsü akeno, pa pelo ti shiqhilu penike pulo tsülo.”

LESHELE 120:1

I ghime kitikhi lono I no Ampeu kue, eno Pa no I khochile.

LESHELE 121:1

Ni ye naghuto lo jupukuni. Khilau no I kukuphu ighi cheni kea?

LESHELE 122:1

Kughou panongu no I vilo, “Ningu Ampeu kilo wuni nolo,” ipi keno ni ye alovive.

LESHELE 123:1

O No khuu kungugha lo ayekipe lakhü lo iqa ani keno, O lau I no jupuku ani!

LESHELE 124:1

Ampeu no ningu küdau aghimo keaye— Israel pelo itehi pi pelo—

LESHELE 125:1

Khunono Ampeu pükhü cheni keno pano ye Zion Toghi toike, ti ye khilemu süküghütha mlae, ikemu alholo ache nani.

LESHELE 126:1

Kughou Ampeu no Zion ngukümgha tsüchile keno, ningu ye asamo pumo chekemi toive.

LESHELE 72:1

O Alhou, Ow kuchou xakütha pesü akükau tsülo, eno O chipiu mikucho pesü akükau nu tsülo.

LESHELE 78:69

Pa no kungugha lo toi Pa kimthe-a mla, alholo ghenguno ayeghi ghope qhike toi Pa no ti iqhikumtoe.

AHOLE 16:9

Timi no amlo lono pa küxü laghi kughuphe cheni, ikemu Ampeu no pa pukhu nepa iqhikumto tsü cheni.

YETSAPIU 9:11

Itaghi I no hi ithulu, ayeghi lo pokuxu kelo akümthümi no tolu chenike kumoe, titoi akumtomi no aghüshi tolu, alokütsümi no asho ithulu, akighichemi no küakini ithulu, kighithimi no adokivi ithulu chenike kumoe, ikemu atüqhüdo eno adokivi ye kümtsü lau ighi cheni.

ALE KIMCHI 3:3

Aphughi lo akhemi no itsüsü aphughi xüche kelono ni ithulu. “Nongu ye I ngulho no kimiye chekeu ithulu kema?”

ALE KIMCHI 5:7

Aphughi lo akhemi no itsüsü aphughi xüche kelono ni ithulu; panongu no I heqhi no ghüzave, eno I gi künhaphi pewuve, tipaqo ye aliwo khemi ke.

ISAIAH 27:3

Ni, Ampeu no tipau Kheue; ado kümtsü lo I no azü süacheni. Khuana no kütsavetsü nosa kehu putho pucho I no khekuto acheni;

ISAIAH 56:10

Pa ghukhemi ye anhethi ichevae; panongu kümtsü akighithi kühavae; panongu kümtsü atsü ighamo keu toike; panongu ye atsü toi ihozü no asamo pumo keu no apulou kethono kütami ghemlavae.

ISAIAH 62:6

O Jerusalem, o liwoqo lo, I no aghukhemi qhivae; putho pucho panongu ye khilemu inaqhoive mo nani. Nongu khunoqo Ampeu pelo kümsüchile anipe keno, akulhoqhi kevilo,

JEREMIYA 51:12

“Babylon liwo shou michiphi süqhelo, aghukhe alau iqhikumto lo; aghukhemi süsülo; aghüthepe khe lo; kughengu Ampeu no Babylon ghenguno pi püakeu shi anie.

JEREMIYA 51:31

Babylon kükau vilo pa phughi ye ako kümtsü lono leluvae piniye aghinimi lakhi no lakhi lau, atsapemi lakhi no lakhi lau wue;

1 Kor. 15:14

Eno Khristo xüputhu püaghimo aye, ningu kükütsü ye adou eno nongu küpülü ghi adoue.

1 Kor. 3:7

Ikehu shosü keu na azü pusü keu namu kiumu kumoe, ikemu Alhou khuu no thuwulu pe cheni keno, Pa likhino akhoto ke.

Galatiami 4:11

Ni ye adou lono nongu gholo ime mlache keshela pi msa auvae.

ZAKINIU 8:18

Ampeu nongu Lhou kümsülu chelo, kughengu nongu pelo kinimi shilu penike aküka tsükeu ye Pa noke, tishikeu lono ishi tsala lo toi, Pa no nongu puasüqo sasü puloshoqhi shikeu shikupu niye ke.

JOSHUA 2:2

Ikelo Jericho lo akükau lau asütsa ishi tove, “Julo, Israelmi itiji hilau ayeghi puju nike ighi ani.”