Ikemu Joab no pi, “I mpeu akükau nhethi no ithulu ghi itehi timi akeu nguno ghuthu aqheno piqi Ampeu o Lhou no küphatsü peniu, ikemu kushiye I mpeu akükau ye hipau lo azüvü ani kea?”
Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”
Tipaqo lono shikimthikütsü le phe ipeghi nani, alovi akemi sütsa chilu nani. Panongu ye aghulo shimono I no kughuko tsü nani, I no pano gigihupu shitsü nani, panongu ye tülalo monani.
Atsütsü lo ayepuqo kihi khamla eno azüghi lo asaye mighi khamla ketoi, I no I qeu David ti kughuko küghüsü tsü nani, eno Levi chinemi I huthu chekemi ghi tishi tsünani.”
Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”
Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’
Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,