LESHELE 107:38 - Sumi Naga CL (Re-edited) Bible (BSI)

³⁸ Paw kükümgha vecheo panongu ye shishe kughuko luve, eno Pa no panow pichepighi lhoxü mpive pemoe.

BAIBEL (BSI)

³⁸ Pano pawu timi kumghatsu eno panongu pelo atianuli kutomo achenipe; eno panongu wu pichepighi puha mono khetsu acheni.

LESHELE 107:38 Mawu Ofanana

BOTHUBO 1:28

Eno Alhou no panongu kümghatsü, Pa no panoqo vilo pi, “Athi pithilu no kughukolu lo, ayeghi nhakhalu no qhasülu lo, eno azüghi lo akha shou, atsütsü lo aghauqo shou, eno ayeghi lo itikiche lhoxü kümtsü shou qhasülu lo.”

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 17:16

I no li kümghatsü nani, tinguno alau ghi, I no li vecheo anu lakhi o tsü nani. I no li kümghatsü nani, eno li ye shiyeqo paza shi nani; li launo ashiaye kükamiqo ipeghi nani.”

BOTHUBO 17:20

Ishmael ghengu ye, I no o tsa chiluvae; julo, I no pa kümghave tsüae eno pa pelo shishe athi pithilu eno kughukolu penani. Pa ye yepemi chighikini papu shi nani, eno I no pa pesü shiye kije lakhi shitsü nani.

BOTHUBO 30:43

Ikehu timi huye ighono kughuko luve eno atsüaqu, aqemi totimi ngo kiptimi, eno sayeshi ngo khurhaqo kutomo shive.

BOTHUBO 31:9

Tishikeu lono Alhou no nokujo papu tsü-aqu sawo I tsüve.

BOTHUBO 9:1

Alhou no Noah eno pa nuli kümghatsü no panoqo vilo pi, “Athi pithilu, kughukolu, eno ayeghi shepichhilu lo.”

JOB 12:23

Pa no shiye pesü kije shitsü no itaghi kütsave cheni; Pa no shiye kughukotsü cheni, eno haküghütsüve cheni.

IPEKULU 1:12

Ikemu panongu no Israelmi ala ghime aye, Israelmi no alaushi kighishe wove eno alaushi inaghau qhawove.

IPEKULU 1:7

Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

IPEKULU 12:38

Panoqo gholo aqokitikhi xukütshü kungope wu, eno atsü-aqu ighono kutomo, ambe loji ngo amishi loji ishi sawu.

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

JEREMIYA 30:19

Tipaqo lono shikimthikütsü le phe ipeghi nani, alovi akemi sütsa chilu nani. Panongu ye aghulo shimono I no kughuko tsü nani, I no pano gigihupu shitsü nani, panongu ye tülalo monani.

EZEKEL 37:26

I no panoqo sasü külakishi puloshoqhi shi nani. Ti ye panoqo sasü shekhaha puloshoqhi shikeu ke. I no pano yeghi lo panoqo qhino kughukotsü nani, eno alholo panoqo gholo I kimthe-a qhinani.

ZAKINIU 28:11

Ampeu no nongu puasüqo tsünike tushoqhi keu yeghi lo kinikülü kupukuno shi nongu tsü nani, no tianuli kughuko tsü, pichepighi lhoxü lo eno tüxatini kümgha tsü nani.

ZAKINIU 28:4

Nongu polo ikighi tianuli, alu lo tüxatini, atsüaqu eno pichepighi lhoxü kümtsü kughuko luno kükümgha ithulu nani.

ZAKINIU 30:9

Nongu no mlakeu thokha lo Ampeu nongu Lhou no kinikülü kupukuno shi nongu tsü nani; ti ye nongu tianuli kughuko, pichepighi lhoxü, eno tüxatini lo kümgha tsü nani. Pa no amlokiqi lono nongu puasüqo kinikülü kupukuno shitsü ketoi, itaghi amlokiqi shi nongu lau kinikülü kupukuno shitsü nani.

ZAKINIU 7:13

Pa no nongu kimiye, kümghatsü, eno kughuko tsü nani. Pa no nongu puasüqo lau tushoqhi keu yeghi lo nongu polo kughukomi kümghatsü nani, eno no luza lo axathi, athi, atsaizü, eno thazü kümghatsü nani, now amishi eno ambe loji lo atiqo kughuko tsü nani.

ZAKINIU 7:14

Ashiaye kümtsü nguno alau nongu kümghatsü nani. Nongu gholo kiptimi totimi khumu anuhami shimo nani momu nongu tsüaqu namu lakhimu iqovemo nani.