LESHELE 104:5 - Sumi Naga CL (Re-edited) Bible (BSI)

⁵ Pa no mtotoi ayeghiqha boqha ghopüani, tishikeu lono ti ye khilemu ithamo nani.

BAIBEL (BSI)

⁵ Nono ayeghi pesu mutotoi pabo qhalo shope puani, tiye khilemu ithamoke.

LESHELE 104:5 Mawu Ofanana

JOB 26:7

Pa no ahuu küdau kiumu küha ke-a lo atsütsü sükho eno kiu shoumu ghomo no ayeghi tshüqhipe qhie.

LESHELE 119:90

O pükhükulu ye tiqheli kümtsü lo acheni; Nono ayeghiqha ghope qhi, ti ye mtotoi ani.

LESHELE 136:6

Pa no azü kutho shou ayeghiqha xachhope qhie, kughengu Paw iqemokeu kikimiye ye alholo acheni;

LESHELE 24:2

kughengu Pa no azü kutho shou tipau ghope qhike, eno azüghi shou tipau boqha qhape qhike.

LESHELE 33:9

Kughengu Pa no atsa pi kelo shikupuve; pa no azah tsükelo ti ye akumtoshi puthughove.

LESHELE 93:1

Ampeu no ayepe ani; Pa ye kükanguagha phi pepu ani; Ampeu ye chijeboike phi pepu ani; Pa ye akumto pesü Pa pokha shiluvae. Iyei, ayeghiqha ye iqhikumto püani; ti ye khilemu ithamoe.

LESHELE 96:10

Shiyeqo vilo pilo, “Ampeu no ayepe ani! Iyei, ayeghiqha ye mtotoi ani eno khilemu ithavemo nani; Pa no achipiu xakütha pesü timiqo shou küghatha nani.”

AHOLE 8:29

Pa zakütsü veche azüghi no qole nosa kehu Pa no kothatsü akelo, Pa no ayeghi boqha ghüpe qhi akelo ni ye tilehi ake.

YETSAPIU 1:4

Tiqheli ighi no wove ani ikemu ayeghi ye alhokupuju patho lo acheni.

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 6:14

Atsütsü no kaku liküzü akeshi hauve, naghuto ngo züdoyeghi kümtsü pütüta-a lono kiqeve tsü.

SAMUEL ATUGHIU 2:8

Pa no ayeghimkhu lono kumlhomi xaqhe; ayevu lono athokhami sünheqhe panoqo pe sakiphemi gholo iqape no agigihu lakhü ighilupe. Kughengu ayeghi tsükuchoqo ye Ampeuw ke, eno tipaqo shou no Pa no ayeghiqha shiqhe pukue.