LESHELE 103:13 - Sumi Naga CL (Re-edited) Bible (BSI)

¹³ Apu lakhi no pa tianuli lau kikimiye piye cheke toi, Ampeu no Pa gihu chekemi lau kimiyekini piye cheni.

BAIBEL (BSI)

¹³ Apu lakhino atianuli kimiyeke toi AMPEU ye pa gihu kemi lau kimiye keu acheni.

LESHELE 103:13 Mawu Ofanana

LESHELE 103:11

Kughengu atsütsü no ayeghi nguno qhemghai ketoi, Pa gihu chekemi lau Paw iqemokeu kikimiye kije ani;

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

AHOLE 3:12

kughengu apu no pa kijivile chekeu nu lau shiche ketoi, Ampeu ye Pa no kimiye kemi sakiyi cheni.

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

ACHINE 26:44

Tishimu panongu no aghümi yeghi lo akelo, Ni ye panoqo milivemo eno qhoi kütsave no panongu sasü shikeu Iw puloshoqhi kubove mo nani, kughengu Ni ye Ampeu pano Lhou ke.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

AKIKIHI 11:12

Timi hipaqo ye I no mishipu no punu kesheno kushiye I vilo anga küsami no anga kughunu xapu keshi panongu xapusü Nono pano puasü tsünie pi tushoqhi keu yeghi lo wulo pi kea?

MATTHEW 6:32

Kughengu thime hipaqo ye Alhou kümthami no akhotoshi phu acheni, eno kungugha lo nongu Papu no nongu ye hi kümtsü avehupu shiani kepi ithi ani.

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

ZAKINIU 3:5

Mishighüna hi kümtsü aliwo qhemghai, khagho, eno aküptasü kumto akeqo. Tile aphu putu sümo keu ghi kutomo ae.