KUKAMI ATUGHIU 8:30 - Sumi Naga CL (Re-edited) Bible (BSI)

³⁰ O qeu eno ow timi Israelmi no a-a hipau küdau juno inikhu kelo chilu tsülo. Eno kungugha lo O kungo-a lono ini tsüno ni kipimi qhitsü lo.

BAIBEL (BSI)

³⁰ Ikighiniqo eno owu timiqo kighini kughouno panonguno akumllaki kudau juno inikhuni keno kungugha ki lono inijutsuno ni kipimi qhitsulo.

KUKAMI ATUGHIU 8:30 Mawu Ofanana

KUKAMI ATUGHIU 8:34

kungugha lono chilu tsüno Ow timi Israelmi xine qhive tsülo eno panongu sasü pano puasü tsükeu yeghi lo saghi tsülo.

KUKAMI ATUGHIU 8:36

kungugha lono chilu tsüno O qemi Israelmi xine qhitsülo. Panongu no chewu kepu laghi kivi kiche tsüno Ow timiqo lau amheghi shi tsüve keu yeghi lo tsütsüghu puwu tsülo.

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

KUKAMI ATUGHIU 8:49

O kungo-a kungugha lono ini tsüno pano vehupu shitsülo.

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

YEKIKITHI AKINIU 6:21

Kughou o qeu ngo ow timiqo no akümllaki küdau juno inikhuni keno, panongu kighini chilu tsülo. Kungugha lo O kungo-a lono initsü lo eno kughou Nono chiluni keno ni kipimi qhitsülo.

YEKIKITHI AKINIU 7:14

tsala Iw timi I je kuche keqo no kuchuni püzü inikhu no I phuighi eno panow kixikila lono tsüghü ighi aye, I no kungugha lono panongu kighini chilutsü nani eno pano xine qhive tsüno pano yeghi shipivi tsü nani.

LESHELE 123:1

O No khuu kungugha lo ayekipe lakhü lo iqa ani keno, O lau I no jupuku ani!

LESHELE 28:2

Kughou I no kuphu penike O lau ighamkuni keno, I no shishe O kimthe-a küdau I u peqhe eno kimiye tsü penike qhüiniju kelo chilu tsülo.

LESHELE 85:2

Nono Ow timi kipimi qhitsüe; Nono panoqo xine kümtsü jonhave tsüe.

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,

IPEKULU 34:7

tiqheli qhethonhe kutolo iqemokeu kikimiye püacheni, eno hekibide, alughi vecheve keu, axine shive keu kipimi qhivetsü cheni, ikemu kiu gholau nomu küqüve keu palokutove mono tiqheli aküthüu ngo abidiu kutolo apunoqo hekibide ghenguno atianuli tianuli xuju ighi nani.”

YETSAPIU 5:2

Nono pimphi lono kümsüju paghilo, eno kümsülu khavi Alhou vilo piqhi kevilo, kughengu Alhou ye kungugha lo ani eno nono ayeghi lo ani kehu o tsapi kümghü lo.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

DANIEL 9:19

O Ampeu, inilo; O Ampeu, akipimi qhitsülo. O Ampeu, amlo tsüqhiyi shino mla tsülo. O je ghenguno munu kevilo, O I Lhou, kughengu Ow mishighüna eno Ow timiqo ye O je ku achenie.”

DANIEL 9:9

Kikimiye eno akipimi qhikütsü ye Ampeu ni Lhouw ke, kughengu ningu no Pa hebideve

MATTHEW 6:12

eno ni lau alhoksa shikeqo kipimi nino pevetsü ketoi, ningu kipimi ghi peve tsülo.

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.