KUKAMI ATUGHIU 21:3 - Sumi Naga CL (Re-edited) Bible (BSI)

³ Ikemu Naboth no pi, “I no I puasü mheghi o tsüveni keu ye Ampeu pulou kumoe.”

BAIBEL (BSI)

³ “Niye atsailu hipau isunoqo launo amheghi ighilue,” ipi Nabot no khochileve. “Hipau otsuve nikeuye AMPEU pulou kumoe!”

KUKAMI ATUGHIU 21:3 Mawu Ofanana

BOTHUBO 44:17

Ikemu pa no pi, “Ni ye khilemu tishimo nani thono! Timi khuu u lono ajukhu ithulu keno pa likhino I qeu shi nani. Ikemu nongu kütami ghengu ye, aloino nongu papu lau wovelo.”

BOTHUBO 44:7

Panongu no pa vilo pi, “Kushiye I mpeu ye atsa hipaqo pi ani kea? O qemiqo ye khilemu hitoi keu kümla shimo nanie!

YEKIKITHI ATUGHIU 11:19

eno pi, “I Lhou zülo ni ye khilemu hitoi shimo nanie! Ni ye timi hipaqo küxü ji yeve tsüni keshea? Kughengu pano küxü kutolo kümsapu lo ikhiphe tsüno hi peighi tsüke.” Tighenguno pa ye tipau yemove. Aghütomi pano küthü no hipau kümla shitsüe.

JOB 27:5

Nongu ye achipie pi ni ye khilemu pimo nani; I no thimoke kutolo ni ye I kikhi phevemo nani.

EZEKEL 46:18

Kükapuu ye timiqo mheghi kiumu lumoni, panoqo mheghi lono pano kopheve moni. Pa ye pa mheghi lono pa nuliqo saje tsüni, tishikeu lono Iw timiqo ye pano mheghi lono apanaghave monani.”

ACHINE 25:23

“Ayeghi ye alhokuthu ghenguno jeve moni, kughengu ayeghi ye Iw eno nongu ye I yeghi lo inaghami eno kachenami ke.

AKIKIHI 36:7

Israelmi mheghi ye alagha lakhi lono lakhiu lo pekiqe wumoni ikemu Israelmi kümtsü no pano puasü mheghi pükhani.

AKIKIHI 36:9

Tishikeu lono kiu mheghi mu ashiaye lakhi lono lakhiu lau pekiqe womo nani eno ashiaye kümtsü pütüta mheghi pekibe wolu nani ke.’”

Rommi 3:31

Tishi aye, ningu ye aküpülü hipau pesü Ayezah pishiqhove tsü ani kea? Kiu gholau nomu kumoe! Tike kumo ninguu no Ayezah iqhikumto cheni.

Rommi 3:4

Kiu gholau nomu kumoe! Ishi yepüake ketoi, kümtsü no kimkimi shivemu Alhou ye kuchou shi nani, “O shou küghathabe kelo nono tolu, eno o tsapi lono o pesü achipiu shilu peniye ke.”

Rommi 3:6

Kiu gholau nomu kumoe! Kughengu tishini kelo Alhou ye ayeghiqha shou kishi küghathani kea?

Rommi 6:15

Imaye kiu pinia? Ningu ye Ayezah qholo kumono küpükini qholou anipi axine shini keshea? Khilemu kumoe!

Rommi 6:2

Kiu gholau nomu kumoe! Ningu khunoqo axine küdau ye thive akeno kishi püzü itaghi tipau lo xüni kea?

Rommi 7:13

Imaye, khikhi akivie picheni keno, tino akithi I lau süghive keshea? Kiu gholau nomu kumoe! Ikemu axine no akivi peitha püzü I lolo akithipu kümla shiuve, tishikeu lono axine ye qeti axine kepi ithive peniye eno azakütsü vecheo axine ye kimghi kümlapu shive peniye ke.

Rommi 7:7

Tishi aye, ningu ye kiu pini kea? Ayezah no axine keo? Kiu gholau nomu kumoe! Ikeghi Ayezah ghenguno kumo aye ni ye axine ithimoni cheke. Kughengu Ayezah no, “Nongu ye jumine kevilo” ipimo keaye, ni ye jumine keu ye kiu keno ithimoni cheke.

1 Kor. 6:15

Nongu phimpi ye Khristo phiau kepi nongu ye mtha keshea? Tishiaye ni ye Khristo phiau pesü kütüqhalimi phiau shive tsüni keshea? Khilemu kumoe!

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.

JOSHUA 22:29

Ampeu ni Lhou kiptia, Pa kimthe-a zülo ghopüa keu nguno akiptia kütau mlape akipti kümllagho, athi kümllagho eno aghakishi kümllagho piti keu vecheo ningu ye Ampeu hebideve no Pa launo tsüghüsü wuvae pikeu ye khilemu kumoe!”

JOSHUA 24:16

Tileno timiqo no khochile, “Ningu no kütau lhouqo qeniye ni Mpeu phevenie pikeu ye khilemu shimoe,

SAMUEL ATUGHIU 12:23

Tinguno alau, ni ye nongu ghenguno inikhu mono Ampeu zülo pimive keu shimo nani, ikemu kiu no akivi eno achipiu laghi keno I no tipaqo nongu kütsüshika nani.

SAMUEL ATUGHIU 24:6

Pa no paw timiqo vilo pi, “Pa ye Ampeuw nukikishe kepi ithi apülaghi I no I mpeu shou hitoi I u süqheni keu ye Ampeu msa nolae.”