KUKAMI ATUGHIU 21:11 - Sumi Naga CL (Re-edited) Bible (BSI)

¹¹ Aphughi tipau lo atomi ngo sakiphemi no Jezebel no yesü lo yepüake toi shivetsü.

BAIBEL (BSI)

¹¹ Jezril lo atomi shi akemi ampemino Jezebel no ahza tsukeu kiqi lono shivetsu.

KUKAMI ATUGHIU 21:11 Mawu Ofanana

KUKAMI ATUGHIU 21:10

Eno küsaküghami kini pesü pa zülo küghüqa no pama pelo pa nguku pelo, ‘No ye Alhou ngo akükau ghushovae.’ Tishino pa sasü aphughi khalau ipe no atu pesü veqhive lo.”

KUKAMI ATUGHIU 21:12

Panongu no ghulo lakhi khaqhi no kümvü eno Naboth pesü timiqo zülo qhi.

YEKIKITHI AKINIU 24:21

Ikemu panongu no pa shou küsüqe, eno akükau zakütsü lono Ampeu ki khala lono atu pesü pa veqhive.

IPEKULU 1:17

Ikemu jukupunumi pama ye Alhou msave eno Egypt kükau no pama azah tsü ketoi shimove, eno kiptimiqo pelo xülupe.

IPEKULU 1:21

Jukupunumi pama no Alhou sümsa ke ghenguno Pa no pama kibo kughu tsüe.

AHOLE 29:12

Ayekipemi no kichile tsa iniuve aye pa qholo hiyampemi kümtsü no kixikilami shiuve niae.

AHOLE 29:26

Timi kümtsü no yepeu mlo chuni ke pükapütsa cheni, ikemu Ampeu launo kuchou xakütha ithulu cheni.

ISAIAH 59:14

Achipiu xakütha ye hapupovae, eno achipiu-mikucho ye putosüvae; kughengu kuchou ye alaghila lono küpxavae, eno amikucho ye tilehi iloghi mlavae.

HOSIYA 5:11

Ephraim no niqhinilai keu pape niye pükapütsa kehu pa ye nedaqoda keu xakütha lono chunudaqhi ani.

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

MATTHEW 2:12

Eno panongu ye Herod lau idewo pemoni ke asamou no kütüghüve kehu ala kütau no pano ghakhu lo wove.

MATTHEW 2:16

Kughou Herod no ayepu kighithimi no pa mqüqhive kepi ithi keno, pa ye ighono axuideve, eno ayepu kighithimi launo pa no ado kihilu keu kiqi lono Bethlehem eno tipa tokukujo kümtsü lo anu kiptimi ampe kini eno tinguno aqhou thaqhü ghiqhi pithi khavepe.

Apostolmi 4:19

Ikemu pama no khochile, “Alhou nguno alau nongu gholuni keu ye Alhou zülo achipi kemo keno nongu no küghatha lo,

Apostolmi 5:29

Ikemu Peter ngo apostolmi no khochile, “Ningu ye timi nguno alau Alhou gholu masae.

SAMUEL ATUGHIU 22:17

Akükau no aghukheu pa phivilo akeu vilo pi, “Ampeu chinemi pithive lo, kughengu panongu ghi David gholo ani, pa no poche keu ithi pülaghi I vilo pimoe.” Ikemu akükau qemi no Ampeu chinemi shou au süqheni keu shimove.

SAMUEL ATUGHIU 23:20

O akükau, itehi iqighi lo, o kupulo kiqi lono ighilo, pa küghape akükau u lo süve tsüni keu no ningu sajeke.”