KUKAMI ATUGHIU 20:13 - Sumi Naga CL (Re-edited) Bible (BSI)

¹³ Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

BAIBEL (BSI)

¹³ Tishi akelono, tungkupumi lakhi akukau Ahab lau ighino pi. “AMPEU no pi ani, ‘Ghushimi kutomo akeu msakevilo! Ino ishino tipaqo shou tolupenike otsu nani, tishikeu lono nono niye AMPEU kepi ithi nani.’ ”

KUKAMI ATUGHIU 20:13 Mawu Ofanana

SAMUEL AKINIU 10:13

Ikehu Joab ngo timi khunoqo pa gholo akeno panoqo no Syriami sasü aghü shiniye kupunu wu kelo panongu no pa zülono pove.

KUKAMI ATUGHIU 18:39

Kughou timiqo no ti ithulu keno, panongu no agi pishiqhope ayeghi lo ikiqi no pi, “Ampeu ye Alhou; Ampeu ye Alhoue,”

KUKAMI ATUGHIU 20:14

Ahab no pi, “Khuu vecheo shinani kea?” Tungkupu no khochile, “Ampeu no ishi piani, Atokujo lo angh qholo kijemi vecheo shinani.” Ahab no pi, “Khuu no aghüshi huthuni kea?” Pa no khochile, “Nonoe.”

KUKAMI ATUGHIU 20:22

Tithiu tungkupu huno Israel kükau lau ighi no pi, “Ighilo, o shikumto lulo, eno nono kiu shimasa keno tsaqüi kughu lo, kughengu woche keu tsülü tusho lo Syria kükau ye o lenike ighi nani.”

KUKAMI ATUGHIU 20:28

Alhou timi huno ighi no Israel kükau vilo pi, “Ampeu no ishi piani, ‘Syriami no, “Ampeu ye atoghiqo lhou kethono akhila lhou kumoe,” ipi kehu I no hi aqokitikhi kümtsü pesü o u lo süve tsüni, eno nono Ni ye Ampeu kepi ithi nani.’”

KUKAMI AKINIU 13:23

Ikemu Ampeu no panongu lau küpükini eno kimiye keu ache, eno Paw puloshoqhi Abraham, Isaac, eno Jacob lau akehu ishi kutolo panoqo süsho eno pühavemo momu Pa zülono hapheve moke.

KUKAMI AKINIU 3:18

Hi ye Ampeu zülo ye mlalei aphie. Pa no Moabmi ghi nongu u lo süvetsü nani,

KUKAMI AKINIU 7:1

Ikemu Elisha no khochile, “Ampeu tsa ishi piani inilo: Thoghiu hipa ghuloki lo nongu no Samaria khagho lo ashomkhu akiviu ahu küthü lo ghükayi lakhi no qhülu nani, eno ashothi ahu tsügho lo ghükayi lakhi no qhülu nani.”

YEKIKITHI AKINIU 20:15

Pa no pi, “Judah timi kümtsü, Jerusalem lo küami, eno Akükau Jehoshaphat, inilo: Ampeu no ishi piani, ‘Msa kevilo eno hi aqokitikhi kije jupe aghüthisü kevilo, kughengu aghüshi ye nonguw kumoe ikemu Alhouw ke.

YEKIKITHI AKINIU 20:17

Nongu ye hipa ghüshi shimo nani. Mtotoi puthugho lulo, eno nongu züqhushi Ampeu no xakulu tsükeu julo, O Judah ngo Jerusalem timi.’ Msa kevilo eno aghüthisü kevilo. Thoghiu panongu küpüghü nike wulo, eno Ampeu no nongu gholo anani.”

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

IPEKULU 14:18

Kughou Pharaoh ngo paw khurkulu eno khurshimi shou I no ajuküvü ithuluveni keno Egyptmi no Ni ye Ampeu kepi ithi nani.”

IPEKULU 16:12

“Israelmi kumchho I no chiluvae. Panongu vilo pilo, ‘Tsüküzü lo nongu ye ashi chu nani, eno inaqhe no nongu ye asho pesü aghapiqilu nani. Tileno Ni ye Ampeu nongu Lhou kepi nongu no ithi nani.’”

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

EZEKEL 20:14

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno panoqo saipeghi keu vecheo panoqo pelo Ni ithipe ke.

EZEKEL 20:22

Ikemu I no I u süchile luve eno I je ghenguno tishive, tishianguno shiyeqo nhethe lo I je shikitiqe moniye ke, panoqo nhethe lono I no panoqo saipeghi ke.

EZEKEL 6:7

Ghiqhive kemi no nongu dolo ikiqi nani, eno nongu no Ni ye Ampeu kepi ithi nani.

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

JOSHUA 10:8

Ampeu no Joshua vilo pi, “Panongu msa kevilo, I no panoqo pesü o u lo süve tsüae. Panongu lakhimu o zülo puthugho lumo nani.”