KUKAMI ATUGHIU 2:7 - Sumi Naga CL (Re-edited) Bible (BSI)

⁷ Ikemu Gileadmi Barzillai nuli lau kikimiye piyelo eno o gholo chusholu kemi shipelo, kughengu I no o thiküzüu Absalom launo poche kelo panongu no I kimiye püani.

BAIBEL (BSI)

⁷ “Ikemu Barzillai Gileadmi nuliqo lau kikimiye piyelo kughengu ino othikuzuu Absalom msano poche kelono panonguno ikimiyepe puani.”

KUKAMI ATUGHIU 2:7 Mawu Ofanana

BOTHUBO 40:14

Kughou o kivipu shiluveni keno I kümsülu lo, kimiyeno kikimiye I lau pephetsü ghi Pharaoh lau I je pitsülo, eno aki hipau lono I khaqhiphe tsülo.

SAMUEL AKINIU 19:28

Kughengu I pu kibolomi kümtsü I mpeu akükau zülono pithive kepushi akemu nono o qeu pelo o ghulhu lüpa lo chuche kemi gholo ngolu peke. I mpeu lau qani keu nguno alau ni ye kiu chipi ani kea?”

SAMUEL AKINIU 9:10

No, o nuli eno o qemiqo ye pa ghenguno alu chilo eno ghile lupusü ighilo, tishiaye o mpeu tilimi no asho chulu kepu anani. Ikemu Mephibosheth o mpeu tilimi ye alhokuthu I ghulhu lüpa lo chu nani.” Ziba ye anuli chighipungu eno aqemi muku ache.

SAMUEL AKINIU 9:7

David no pi, “Msa kevilo, kughengu o pu Jonathan ghenguno I no kikimiye o piyeni, eno I no o sü Saul yeghi kümtsü o tsüchileveni, no ye alhokuthu I ghulhu lüpa lono chuni.”

KUKAMI AKINIU 25:29

Ikehu Jehoiachin ye akughumi phi xaqhive. Eno tinguno tilau pa ye tsalakipe akükau gholo chusho cheuve,

KUKAMI AKINIU 25:30

pa no xüake tivilo tsalakipe vehupu kümtsü, akükau no achipi lono pa tsüche.

EZRA 2:61

Itaghi, achinemi nuliqo: Habaiah nuli, Hakkoz nuli, eno Barzillai nuli (Gilead lagha lo Barzillai nga gholo lakhi lukeu eno pa nipu je kuluve keu ghi Jerusalem lo ideighi).

AHOLE 27:10

O küsami eno o pu küsami pheve kevilo, nono amhekiqi sholu kelo o thiküzüu kilo wu kevilo. O kisüghüu aphivilo akemi no o thiküzüu putou akeu nguno akiviu ke.

JEREMIYA 52:33

Ikehu Jehoiachin no akughumi phimini xaqhive, eno tinguno tilau pa ye tsalakipe akükau gholo chusho thuve,

Luke 12:37

Aqemi khunono kutope khe ake lono ampeu ighi püzü ithuluni keno, pano kümghapue. Mtsüqheino I no nongu vilo piani, ampeu no chighiche khapu püzü aghulhu lüpa lo panoqo küghüqa no huthu nani.