KUKAMI ATUGHIU 2:29 - Sumi Naga CL (Re-edited) Bible (BSI)

²⁹ Eno Solomon vilo, “Joab ye aphiki lo poilo akiptia kibo tsüqüpe ani,” ipi kelo, Solomon no Jehoiada nu Benaiah puwu no pi, “Wuno pa ghiqhive lo.”

BAIBEL (BSI)

²⁹ Joab no aphikilo ilono akumlla kiptia kibo tsuqupe anipikeu sutsa akukau Solomon tove, tileno Solomon no aghinimi lakhi puwuno Joab ye kushiye akumlla kiptialo povekeno tipau vehu inijuwupe. Joab no khochile, paye Solomon msake ghenguno AMPEU lau poighive ani ipi. Tileno akukau Solomon no Jehoida nu Benaia hapuwuno Joab heqhivepe nikeu shive.

KUKAMI ATUGHIU 2:29 Mawu Ofanana

SAMUEL AKINIU 8:18

Jehoiada nu Benaiah no Kherethmi ngo Pelethmi shou ampeu shi, eno David nuliqo no achinemi shiche.

KUKAMI ATUGHIU 2:25

Ikehu Akükau Solomon no Jehoiada nu Benaiah puwu no Adonijah heqhivepe.

KUKAMI ATUGHIU 2:30

Benaiah no Ampeu phiki lo ighi no pa vilo pi, “Akükau no azah tsü ani, ‘Khalau ipeghi lo.’” Ikemu pa no pi, “Moe, ni ye hileno thiveni.” Benaiah no Joab tsa pesü akükau vilo pi.

KUKAMI ATUGHIU 2:31

Solomon no khochile, “Pa no pike toi shivelo, pa heqhive no qhove lo, tishikeu lono ni eno I pu David limi launo Joab no akipimi küha kemi heqhi pithive keu ngusü puve peni.

KUKAMI ATUGHIU 2:46

Tileno akükau no Benaiah azah tsüno pa no Shimei heqhive. Tishino kükaqha ye Solomon u lono mtotoi luve.

IPEKULU 21:14

Ikemu milakhi no amqü lono püthapütsano kütami pithive aye, nongu no I kümlla khache lono pa sawo pithiveni.

AHOLE 28:17

Timi küxü luvetsü keu kipimi xapu chekemi ye akithi kutolo poche nani, khunomu pa kuphu kevilo.

EZEKEL 9:6

Kitemiqo vejoi pithive lo, lhothemi eno ilimi, itimi eno topumi pithive lo, ikemu khunoqo shou amchipu ani keno tipaqo lakhimu bukevilo. Eno I chineki lono huthulo.” Tighenguno panongu no achineki lo akemi layemiqo launo huthu ke.

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?