KUKAMI ATUGHIU 18:36 - Sumi Naga CL (Re-edited) Bible (BSI)

³⁶ Avela kümllagho do lono tungkupu Elijah no akümlla-khache phivilo ighi no pi, “O Ampeu, Abraham, Isaac eno Jacob Lhou, No ye Israel Lhou, ni ye O qeu eno O zakütsü lono hipaqo shi ani kepi ishi tsala lono panongu pelo ithilu pelo.

BAIBEL (BSI)

³⁶ Avela ghakishi kumlla tuqhudo tovekethiu Elija no akumlla kiptia lo ighino inikhu, “O AMPEU, Abraham, Isak eno Jakob Lhou, Noye Israil Lhou eno niye oqeu eno ozah kutsu lono hipaqo shi akeu panongu pelo noye Alhou kepi ithi kulupu shi pephe piyetsulo.

KUKAMI ATUGHIU 18:36 Mawu Ofanana

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

BOTHUBO 31:53

Abraham Lhou, Nahor Lhou eno panoqo papu Lhou no nikujo dolo xaküthau ke.” Ikehu Jacob no pa pu Isaac no Sümsa chekeu jeku tushoqhive,

BOTHUBO 32:9

Eno Jacob no pi, “O I pu Abraham Lhou eno I pu Isaac Lhou, O Ampeu khuu no I vilo, ‘O ghakhu lo eno o sholokumi lau idewove lo, tishianguno I no o lau akivi shi tsünie,’ ipi keno,

BOTHUBO 46:3

Tile Pa no pi, “Ni ye Alhou, o pu Lhou ke. Egypt lo iqinike msa kevilo, kughengu tilauno I no o pesü shiye kije shitsüni.

SAMUEL AKINIU 7:26

Eno O je ye alholo kije shikithe pi nani, ‘Aqokitikhi Mpeu ye Israel Lhou ke,’ eno O qeu David lagha ye O zülo mtotoi nani.

KUKAMI ATUGHIU 18:21

Elijah no timiqo phivilo ighi no pi, “Nongu mlo lo hiküma dolo xatha nike ado khitohi luni kea? Ampeu no Alhou shiaghi aye, Pa papelo; ikemu Baal no shiaghi aye, pa papelo.” Timiqo ye atsa lakhimu piqhi move.

KUKAMI ATUGHIU 18:29

Puchomta hecheve eno avela kümllagho do kutolo, panongu no alezüphoi ighamku akemu khunomu khochilemo; khunomu jutsü moe.

KUKAMI ATUGHIU 18:35

Ikelo azü no akiptia homxa qowuve eno tino azülaki lo ghi chhive.

KUKAMI ATUGHIU 18:37

I khochile lo, O Ampeu, I khochile lo, tishikeu lono timi hipaqo pelo No ye Alhou kepi ithi pelo O Ampeu, eno Nono panongu sachile ighi ani kepi ithi pelo.”

KUKAMI ATUGHIU 20:13

Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

KUKAMI ATUGHIU 20:28

Alhou timi huno ighi no Israel kükau vilo pi, “Ampeu no ishi piani, ‘Syriami no, “Ampeu ye atoghiqo lhou kethono akhila lhou kumoe,” ipi kehu I no hi aqokitikhi kümtsü pesü o u lo süve tsüni, eno nono Ni ye Ampeu kepi ithi nani.’”

KUKAMI ATUGHIU 22:28

Micaiah no pi, “Nono akivishi ideighilu aye, Ampeu ye I pütsa püamoe.” Eno pa no pi, “Nongu kümtsü hi inilo!”

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

KUKAMI AKINIU 1:10

Ikemu Elijah no lhopungu shou kepten khochile, “Tsala I no Alhouw timi shi aghi aye kungugha lono ami iqighi no no eno ow timi lhopungu pitive pe nani.” Ikelo ami no kungugha lono iqighi no pa eno paw timi lhopungu pitive.

KUKAMI AKINIU 1:3

Ikemu AMPEUw kungumi no Tishbe lono ighikeu tungkupu Elijah vilo pi, “Ithulo eno akükau Ahaziah ghinimi sasü kusholo, eno panongu vilo pilo, ‘Israel lo Alhou kühave akesheno nongu ye Ekron lhou Baal-zebub kushoni ye wu cheni kea?

KUKAMI AKINIU 1:6

Panongu no khochile, “Timi lakhi no ningu sasü kushoni ye ighi no pi, ‘Akükau khuu nongu puwu keno pa lau idewo no pa vilo pilo, Ampeu no ishi piani, Israel lo Alhou kühave akesheno no ye Ekron lhou Baal-zebub vilo ighiju penike aghinimi puwu ani kea? Tighenguno no ye izave keu zübo lono ideithughi moae eno mtsüqheino thive niae.’”

KUKAMI AKINIU 19:19

Ikehu O Ampeu, ni Lhou, kimiyeno pa u lono ni xaphe tsülo, tishianguno ayeghi lo kükaqha kümtsü no O likhi no Ampeu Alhou kepi ithi nani.”

KUKAMI AKINIU 20:11

Eno tungkupu Isaiah no Ampeu vilo inikhu, ikelo Pa no yekükhü pelo Ahaz no mlakeu dokiche kala lono küpka chighi athiu ideiqive pe.

KUKAMI AKINIU 5:15

Tileno pa no paw timi kümtsü sasü Alhou timi lau ideighi no pa zülo puthugho no pi, “Julo, I no ithivae, Israel lo kumo aye, ayeghi kümtsü lo Alhou kühae; tighenguno itehi kimiyeno agho hipau o qeu launo ikhilu tsülo.”

KUKAMI AKINIU 5:8

Ikemu kughou Israel kükau no pa phiküzü süxüve keu Alhou timi Elisha no chilu keno, pa no akükau lau pi puwu, “No ye kushiye o phiküzü süxüve ani kea? Timi hu I lau puwulo, tishianguno pa no Israel lo tungkupu akeu ithi nani.”

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

YEKIKITHI AKINIU 30:6

Ikehu yesü kipemi no Israel ngo Judah kümtsü lo akükau ngo paw hiyampemi yesü pewu no akükau no azah tsüke toi pi, “O Israelmi, Abraham, Isaac, eno Israel Lhou Ampeu lau ideighi lo, tishino Pa no nongu Assyria kükau u lono pojolu kemi ghükulumi lau tsüghü ighi nani.

LESHELE 141:2

I kighini ye axokütsüngü toi O zülo kihi tsülo, eno I u peqhepe inikhu akeu ye avelau kipti gho toi ikhilu tsülo!

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

IPEKULU 4:5

“tishianguno panongu no Ampeu, pano puasü Lhou, Abraham Lhou, Isaac Lhou, eno Jacob Lhou no o lau ipeghi kepi pülü nani.”

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

EZEKEL 36:23

I no I je kimthe khikhi shiyeqo gholo shipixive keno, eno khikhi nongu no panoqo zülono shipixive keno, tipau chipi phuphe nani. Kughou I no nongu vecheo panoqo nhethe lono I kimthe phupheni keno shiyeqo no Ni ye Ampeu kepi ithi nani, ipi Ampeu Alhou no asheshu.

EZEKEL 39:7

“I je kimthe pesü Iw timi Israelmi pelo ithipe nani, eno Ni ye I je kimthe pesü shikitiqe kithe pemo nani. Shiyeqo no Ni ye Ampeu, Israel lo Akimtheu kepi ithi nani.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

DANIEL 8:13

Tithiu akimtheu no atsa pikeu I no chilu, eno akimtheu lakhiu no I pütsa akeu vilo pi, “Kungunhetsü lono ithulu keu tsalakipe kipti kümllagho, axine no küghüküghaleive tsükeu, eno apukhu no qodaqhi peniye akimthe-a ngo aqokitikhi ikhiphe tsükeu ye ado khitohi ghenguno kea?”

DANIEL 9:21

I no akighini shi ake lono Gabriel, timi khuu kungunhetsü atüghüu lono I no ithulu püa keno, pa no mtazü avelau ghakishi ghuloki lono I lau yeighi.

MATTHEW 22:32

‘Ni ye Abraham Lhou, Isaac Lhou, eno Jacob Lhou ke.’ Pa ye küxümi Lhou kethono kithimi Lhou kumoe.”

John 11:42

No ye alhokuthu I tsa initsü cheni kepi I no ithi ani, ikemu I no hi pi akeu ye timi hile puthugho akeqo pelo Nono I puwue pi pülülu peniye ke.”

Apostolmi 10:30

Cornelius no pi, “Ishi bidi shive ake hipa tüqhüdo avelau ayi küthü kihelo, ni ye I ki lono akighini shiae. Tile timi lakhi metsüghoike phimini pepusü I zülo ipeghi,

Apostolmi 3:1

Ghulo lakhi Peter ngo John pama no avelau ayi küthü kihe kighini lo achineki lo iqhoche.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

Ephesiami 3:14

Akiqi hipau ghenguno ni ye Apu zülo qhoqhünhe cheni,