KUKAMI ATUGHIU 18:21 - Sumi Naga CL (Re-edited) Bible (BSI)

²¹ Elijah no timiqo phivilo ighi no pi, “Nongu mlo lo hiküma dolo xatha nike ado khitohi luni kea? Ampeu no Alhou shiaghi aye, Pa papelo; ikemu Baal no shiaghi aye, pa papelo.” Timiqo ye atsa lakhimu piqhi move.

BAIBEL (BSI)

²¹ Elija no timiqo lau iqhoghino pi, “Nongu mlo xakutha shinike ghenguno ado khitohi luani kya? Tsala AMPEU no Alhou aye, pa mllalo; eno Baal no Alhou shi aghiaye, pa mllauvelo!” Ikemu timiqoye atsa lothi lakhimu piqhimove.

KUKAMI ATUGHIU 18:21 Mawu Ofanana

BOTHUBO 24:50

Tileno Laban ngo Bethuel pama no khochile, “Avehu ye Ampeu launo ighivae; ningu ye o vilo akivi momu aküsa pimlavae.

BOTHUBO 44:16

Judah no pi, “Ningu ye I mpeu vilo kiu pini kea? Ningu ye kiu tsa pini kea? Momu ningu ye kishi ningu saphu luni kea? Alhou no o qemiqo kipimi phuphe luvae: julo, ningu ye I mpeu qemiae, ningu eno khuu pulukho lono ajukhu ithulu keno, ningu kümtsü o qemiae.”

KUKAMI ATUGHIU 18:20

Ikehu Ahab no Israelmi eno Baal tungkupmi kümtsü Carmel Toghi lo hekütsü.

KUKAMI ATUGHIU 18:39

Kughou timiqo no ti ithulu keno, panongu no agi pishiqhope ayeghi lo ikiqi no pi, “Ampeu ye Alhou; Ampeu ye Alhoue,”

KUKAMI AKINIU 17:41

Ikehu shiye hipaqo ye Ampeu huthu eno ajulhoqo ghi huthue. Panongu tianuli ghi tipatho shi, eno pano tilimiu ghi pano puasüqo no shike toi shi, eno ishi kutolo tishi achephi.

YEKIKITHI ATUGHIU 17:26

Ikehu O Ampeu, No ye Alhou ke, eno Nono thime kivi hipau pesü O qeu lau piqhive tsüae.

YEKIKITHI AKINIU 33:13

Pa no Alhou lau inikhu, eno pa kighini no Alhou mlo buve no Pa no itaghi Jerusalem lo pa kükaqha lo sachile ighive. Tileno Manasseh no Ampeu ye Alhou kepi ithive.

LESHELE 100:3

Ampeu ye Alhou kepi ithilo! Pa no ningu Lhoke eno ningu ye Paw ke; ningu ye Paw timi eno Pa tsüni kümtsha-a lo ambeqo ke.

LESHELE 119:113

Amlo kini kupumi ye I no mithi ke, ikemu ni ye O yezah kimiye cheni.

HOSIYA 10:2

Panongu mlo ye kichile ke; itehi panongu ye pano kipimi makho xapu masae. Ampeu no pano kiptia kubovetsü eno akümlla tsükuchoqo kütsave tsü nani.

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

MATTHEW 22:12

Eno pa no pi, ‘Ashou, no ye külakupu phimini pepumo no hile kishi iloghilu kea?’ Timi huye kiu tsamu pimlave.

MATTHEW 22:34

Kughou Jisü no Sadduceemi ghesüve keu Phariseemi no chilu keno panongu no kümtsa ighi.

MATTHEW 22:36

“Shikükau, Ayezah lo khikhi no azakütsü akhotou kea?”

MATTHEW 6:24

“Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

Luke 6:13

Kughou atsala ipeghi keno, pa no akhopemi kukütsü no panongu dolono chighikini kishephe, eno tipaqo pesü apostolmi ipi kuvetsü:

Rommi 3:19

Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”