KUKAMI ATUGHIU 13:21 - Sumi Naga CL (Re-edited) Bible (BSI)

²¹ Pa no ighamku Judah lono ighi keu Alhou timi vilo pi, “Ampeu no ishi piani, ‘Nono Ampeu tsa hebideve no Pa zakütsü pape move akehu,

BAIBEL (BSI)

²¹ pano ighamuku Juda lono ighi akeu tungkupuu vilo pi, “AMPEU no pi noye pa hebideveno pano ahza tsukeu shimovae.

KUKAMI ATUGHIU 13:21 Mawu Ofanana

BOTHUBO 3:7

Tithiu pama nhethi xükhove, eno pama ye aphikümsa shi akeu ithive. Pama no mubuni jikime küqhano nhapuve.

SAMUEL AKINIU 24:13

Gad no David lau ighi no pi, “O ghakhu lo ampe küthü püqümiye ighi peni keo? Moaye aqhi küthü o ghümi no haqhi no panoqo zülono poni keo? Ikeo atsala küthü o ghakhu lo püsa ighi peni kea? Kümsüju no ni ye I puwu keu vilo kiu khokichile tsüni keno xathalo.”

SAMUEL AKINIU 6:7

Ikelo Ampeu mlokighide Uzzah shou ikughive, eno paw shikipimi ghenguno Alhou no Paw puloshoqhi bohu phivilo no heqhive.

KUKAMI ATUGHIU 13:17

kughengu Ampeu no azah ishi I tsü püani, ‘No ye asho mu chukevi, azü mu yekevi, eno nono ighike laghi lono idewo kevilo.’”

KUKAMI ATUGHIU 13:20

Pama kümtsa iqa ake lono Ampeu tsa no tungkupu amchou lau ighi.

KUKAMI ATUGHIU 13:22

eno o vilo a-a hile ye “Asho mu chu kevi, azü mu sho kevi,” ipi keghi, nono ideighi no chushove akehu o kumo ye o puasüqo kumo kuqho-a lo ighi moae.’”

KUKAMI ATUGHIU 20:36

Tile pa no pi, “Nono Ampeu sütsa hebideve ake ghenguno julo nono I launo wuve kemtsa, abongshuu no o tsüve nani.” Pa no wuve kemtsa abongshuu no pa tsüve.

ESTHER 6:13

Eno Haman no pa nipu Zeresh ngo pa küsami vilo pa lau kiu shive keno kümtsü pive. Tile pa küsami alokütsümi ngo pa nipu Zeresh no pa vilo pi, “Tsala Mordecai, khuu zülo nono ikiqive akeno, pa no Jewmi shi aghi aye, no ye pa theqhi lumo nani ikemu mtsüqheino pa zülo ikiqive nani.”

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

AKIKIHI 20:12

Ikemu Ampeu no Moses ngo Aaron pama vilo pi, “Nokujo no I pülümo eno Israelmi zülo Ni ye akimthe kepi ikhilumoe, tighenguno I no tsünie pikeu yeghi lo nokujo ye panoqo sailo moae.”

AKIKIHI 20:24

“Aaron ye I no Israelmi tsükeu yeghi lo iloni chemo ke ghenguno pa pelo paw timiqo kukumqo pelo, kughengu nokujo no Meribah lo I zakütsü hebideve ke.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

SAMUEL ATUGHIU 15:19

Imaye kushiye no ye Ampeu tsa lumove kea? Kushiye hakhokulu nhemgha süxa no Ampeu zülo axine shive kea?”

SAMUEL ATUGHIU 4:18

Pa no Alhouw Puloshoqhi Bohu jeku kemtsa, Eli ye khagho phivilo pa lakhü lono azübou no ikiqi veqhive eno akuo shochheve no thive, kughengu pa ye kitemi shive eno mishisheive ke. Pa ye Israelmi shou ampe lhobidi xaküthami shi ighie.