KUKAMI ATUGHIU 12:13 - Sumi Naga CL (Re-edited) Bible (BSI)

¹³ Akükau no layemi kükümsü lumove no ighono mkamihi timiqo khochile,

BAIBEL (BSI)

¹³ Akukauno muchomi layeqono akukutsu pa tsukeu thaighave eno atsa lhoksa pesu timiqo vilo pithuve,

KUKAMI ATUGHIU 12:13 Mawu Ofanana

BOTHUBO 16:6

Ikemu Abram no Sarai vilo pi, “Julo, o qeliu ye o küka qholo anie; o pulou kiqi lono li lau shilo.” Tileno Sarai no mghachhoi li peitha, eno li ye li launo pove.

BOTHUBO 42:30

“Ayeghi tilehi ampeu, timi huno mkamghai ningu pütsa no ningu ye ayeghi pukujumi kepi pülüpüsae.

BOTHUBO 42:7

Joseph ye pa mu noqo ithulu no panoqo michiluve, ikemu pa no shoinami toi panoqo peitha eno mkamghai panoqo pütsae. Pa no pi, “Nongu ye khilau no ighi ani kea?” Panongu no pi, “Achuqupu qhüni ye Canaan yeghi lono ighi anie.”

SAMUEL AKINIU 19:43

Israelmi no Judahmi khochile, “Ningu ye akükau lau asaje chighi ani, ikehu pa lau ghi ningu ye nongu nguno akichiu saje ani. Tishiaye kushiye nongu ye ningu jukünatha ania? Akükau sachile ighini keu tsa ye ningu paghino pike kumo?” Ikemu Judahmi tsa huno Israelmi tsa nguno ayiküsau shive.

KUKAMI ATUGHIU 12:12

Ikehu atsala aküthüni Jeroboam ngo timiqo kümtsü no akükau Rehoboam no, “Atsala aküthüni no ide ighilo,” ipikeu kiqi lono ideighi.

KUKAMI ATUGHIU 12:14

lhothemiqo no pa vilo pikeu kiqi lono pa no pi, “I pu no ape kimshi nongu xapipe keu gholo I no küpha tsüni. I pu no akighi kipili pesü nongu sakiyi püaghi aye, I no khurshi kihe küsü no nongu heqhini.”

IPEKULU 10:28

Tithiu Pharaoh no pi, “I launo wuvelo; I pelo khilemu itaghi o ju ithulupe kevilo, kughengu nono ni ithulu ke tsala lono no ye thiniae.”

IPEKULU 5:2

Ikemu Pharaoh no pi, “Ampeu ye khuue pi ni ye Pa tsa luno Israelmi puwuni kea? Ni ye Ampeu mthae, eno tinguno alau, ni ye Israelmi puwumo nani.”

AHOLE 10:11

Amikuchomi kichi ye aküxü züpuki, ikemu kixikilami milibo qholo kütsakungo keu küsüpüa cheni.

AHOLE 10:32

Amikuchomi tsapi ye kiu no ikhikulupu keno ithi ani, ikemu kixikilami no ithi chekeu ye tuchighive keu tsa likhie.

AHOLE 13:20

Alokütsümi gholo kuloji kemi ye alotsüve cheni, ikemu mbomzümi gholo kichemi ye aghime sholu nani.

AHOLE 15:1

Mtshaminhei khochile keu no aloghu ikhive tsücheni, ikemu atsa kümka no amlo kighide xukutho cheni.

AHOLE 18:23

Kumlhomi ye mlominyi shi qhüiniju cheni, ikemu kinimi ye akiphikumoshi khochile cheni.

YETSAPIU 10:12

Alokütsümi tsa no agigihupu pa lau süghilu cheni, ikemu mbomzümi tsapi no pa kütsave cheni.

YETSAPIU 2:19

pa ye alokütsümi momu anikhami shiaghi luvike khuu no ithi ani kea? Ikeghi I no I lokütsü lono mlaqhi keu kümtsü shou pa no ampeu shive nani. Hi ghi adoue.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

SAMUEL ATUGHIU 20:10

David no khochile, “Tsala o pu no mkamghai o pütsa aye khuu no I vilo pitsüni kea?”