KUKAMI AKINIU 8:20 - Sumi Naga CL (Re-edited) Bible (BSI)

²⁰ Jehoram ghuloki lono Edom no Judah sasü kumjo ipeghi no pano kükau süsüve.

BAIBEL (BSI)

²⁰ Jehoram no ka ake ghuloki lono Edom no Juda sasu kumjo ithughino akuka ithuluve keu ghakhu lakhi shiluve.

KUKAMI AKINIU 8:20 Mawu Ofanana

BOTHUBO 27:40

O zütakikihi lono no ye xünani, eno no ye o thiküzüu qe nani; ikemu kughou nono hebideni keno paw kuokhasü o kuo lono nono hechhe nani.”

SAMUEL AKINIU 8:14

Pa no Edom lo ghüshimi ghazü qhiwove; Edom qha kümtsü lo pa no ghüshimi ghazü qhive, eno Edommi ye David qemi shive. David no khile wu keno Ampeu no tokulu tsüe.

KUKAMI ATUGHIU 22:47

Edom lo kükami kühano Judah kükau no kishe puwu keu no ayepe che.

KUKAMI ATUGHIU 22:48

Jehoshaphat no Tarshish zükilu kutomo mlano Ophir lono ameshoyi süghi peniye puwu kemu wumlave, kughengu Ezion-geber lono zükiluqo shipüsave ke.

KUKAMI AKINIU 14:7

Amaziah no Amti Khila lono Edommi 10,000 heqhive tsü, eno aghüshi lono Selah hakholuve no Joktheel ipi kuvetsü, ti ye ishi kutolo kuchephi.

KUKAMI AKINIU 3:26

Kughou Moab kükau no pa ye aghü tolu moveni chenipi ithive keno, pa no azütakikihi kipemi pano 700 sawu no Edom kükau ghüngü lono shoxüsü ipeni ye shi, ikemu shimlave.

KUKAMI AKINIU 3:27

Tileno pa no pa nu anoghiu, pa thisü kepushi akeu pesü atupikiye lono akipti kümllagho shi agha shive. Ikelo Israelmi shou aloghu kije ikughive, eno panongu no pa launo idechilesü pano yeghi lo wove.

KUKAMI AKINIU 3:9

Ikehu Israel kükau no Judah kükau ngo Edom kükau sasü chewu. Kughou panongu no atsala tsüni ala cheve keno, ghüshimi ngo pano papemi eno lhoxüqo ghenguno azü kühave.

KUKAMI AKINIU 8:22

Ikehu ishi kutolo Edommi ye Judah sasü kumjo acheni. Tipa ghuloki lono Libnah ghi Judah sasü kumjo ipeghive.