KUKAMI AKINIU 6:17 - Sumi Naga CL (Re-edited) Bible (BSI)

¹⁷ Tishino pa no inikhu, “O Ampeu, kimiyeno pa nhethi xükho tsüno pa pelo ithulu pelo.” Ampeu no aqeu nhethi xükho tsü, eno julo, atoghi lo ami khurshi ngo khurkuluqo no Elisha homxape aghikeu ithulu.

BAIBEL (BSI)

¹⁷ Tishipiveno pano inikhu, “O AMPEU, pa nhethi lhaphetsuno pa pelo ithulupelo!” Elisha qeuno jupuwo kelauye ato kumtsu khurshi ngo khurkulu mino Elisha homxa pesu ngo aghikeu ithuluve.

KUKAMI AKINIU 6:17 Mawu Ofanana

BOTHUBO 21:19

Tishino Alhou no li nhethi khaqhitsü, eno li no azükhe lakhi ithulue. Li no wuno ahughi lo azü shepichhi luve no azü anu piyeve.

BOTHUBO 32:1

Jacob no pa la lo wuve, eno Alhouw kungumi no pa sasü kusholu.

BOTHUBO 32:2

Kughou Jacob no panoqo ithulu keno pa no pi, “Hi ye Alhouw aghazü-a kena!” Tighenguno pa no tipa-a pesü Mahanaim kuve tsü.

BOTHUBO 32:3

Jacob no pa züuno Edom ghakhu lo Seir yeghi lo pa mu Esau lau atsapemi puwu,

KUKAMI AKINIU 2:11

Pama no küptsa cheke lono paikhavi ami khurkulu ngo ami khurshi no pama kije kütüta shivetsü. Eno Elijah ye miyitsü lono kungugha lo ikuve.

LESHELE 104:3

Pa no azü lo Pa chebo tsükucho ghope qhi; Pa no khüngküsü pesü Paw khurkulu shi; Pa no amülhü chishibo shou iqa no chewu,

LESHELE 104:4

Pa no amülhü pesü Pa tsapemi shi, amiküiqü pesü Pa qemi shike.

LESHELE 119:18

I nhethi xükho tsülo, tishianguno O yezah lo akümzapu thimeqo akeu I no ithulu nani.

LESHELE 125:2

Naghutoqo no Jerusalem bothape aketoi Ampeu no itehi eno alholo Paw timi bothape acheni.

LESHELE 34:7

Ampeuw kungumi no Pa sümsa chekemi bothape acheni, eno panoqo xaphelu cheni.

LESHELE 68:17

Alhouw khurkulu ye qhethonhe chighi no ghuthu kini, qhethonhe no qhethonhe ani; Ampeu no tipaqo gholo ani; itehi Sinai ye akimthe-a shivae.

LESHELE 91:11

Kughengu Pa no azah tsüno o ghenguno Paw kungumi puwu tsü nani eno o laghi kümtsü lo o khekuto nani.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

ISAIAH 42:7

anhethi kighichemi nhethi khaqhitsü nani, aküzü kughuki lo akughu shi akemi saipeghi nani; aküzü lo iqa akemi khaqhiphe nani.

DANIEL 10:7

Ni, Daniel, likhi no kungunhetsü ithulu, kughengu I gholo akeqo ye kungunhetsü ithulumo kemu shithüghüi keu kije panoqo shou ikughive, eno panongu ye itshü luve niye pokhave.

ZEKHARIA 1:8

“Julo, timi lakhi khurshi huchuyi sacheghi keu I no putho lono ithulue! Pa ye atuxu lo axokütsüngü boqo dolo puthugho ae, eno pa thiu huchuyi, hughai eno metsüghoi keu khurshiqo ae.

AKIKIHI 22:31

Tileno Ampeu no Balaam nhethi xükhotsü, eno pa no AMPEUw kungumi azütakikihi pesü alaghi lo puthugho aghikeu ithulu. Balaam no pa gi pishiqhope ayeghi lo ikiqive.

MATTHEW 26:53

I no I Pu qhüiniju kelo Pa ye mtazü kungumi aqo chighikini nguno alau I lau puwu tsü nanie pi nongu ye kümsü mla keshea?

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 19:14

Kungugha lo ghüshimi no khurshi kimiye shou iqa no phepheike phi kimiye eno tsüghükhüi keu pepusü pa papeche.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.