KUKAMI AKINIU 17:25 - Sumi Naga CL (Re-edited) Bible (BSI)

²⁵ Tile küghüna tüghü lo panongu ye Ampeu msamoe. Tighenguno Ampeu no panongu lau abongshuu puwu no khami tsüqhivepe.

BAIBEL (BSI)

²⁵ Kughou panonguno atughushi tile iloghikeno panonguye AMPEU mllamoe, tighenguno pano abongushu puwuno panongu khami heqhi chuvepe.

KUKAMI AKINIU 17:25 Mawu Ofanana

KUKAMI ATUGHIU 13:24

Pa no woche kelono abongshuu sasü kusholu no tino pa heqhive. Pa sükumo ye ala lo qhive, eno khurha ngo abongshuu küma no tipau phivilo puthugho ae.

KUKAMI ATUGHIU 20:36

Tile pa no pi, “Nono Ampeu sütsa hebideve ake ghenguno julo nono I launo wuve kemtsa, abongshuu no o tsüve nani.” Pa no wuve kemtsa abongshuu no pa tsüve.

KUKAMI AKINIU 17:26

Ikehu Assyria kükau vilo pive, “Nono shiye kügha sawo Samaria mishighüna lo qhikeqo ye aghakhu lo alhou yezah ithiamoe. Tighenguno Alhou no panongu lau abongshuu puwu no tipaqo no panongu tsüqhivae, kughengu panongu no tipa ghakhu lo alhou yezah ithi moke.”

KUKAMI AKINIU 17:28

Ikehu akughumi dolo achineu lakhi no ighi no Bethel lo xüsüve, pa no kishi Ampeu sümsa masa keno timiqo shika.

KUKAMI AKINIU 17:32

Panongu no Ampeu ghi sümsa eno panongu dolono timi jeli kümtsü kishepe akümlla-aqo lo achinemi shipe eno pano ghenguno aghakishi kümllagho pesü piti mlla peke.

KUKAMI AKINIU 17:34

Panongu ye ishi kutolo tipa khuaye pekishe chephi. Panongu ye Ampeu msa chemo, eno akhuaye, pimheye, ayezah, momu azakütsü khikhi Ampeu no Jacob, Israel ipi kuvetsü keu, polo kughukomi tsü keno tipaqo pape chemoe.

KUKAMI AKINIU 17:41

Ikehu shiye hipaqo ye Ampeu huthu eno ajulhoqo ghi huthue. Panongu tianuli ghi tipatho shi, eno pano tilimiu ghi pano puasüqo no shike toi shi, eno ishi kutolo tishi achephi.

KUKAMI AKINIU 2:24

Pa no tsüghü ighi no panongu jupüzü Ampeu je lono ghushove. Ikelo avaqu kini no aghasa lono ipeghi no itimi pano lhobidi kini tsüve.

ISAIAH 15:9

Dibon ghoki ye aji no chhivae; Ni ye li shou alau süghini aphi, Moabmi pokalu kemi, ghükulumi ghenguno abongshuu aphi.

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

JEREMIYA 15:3

I no panoqo kütsani kemi ajeli bidi süsüni, ipi Ampeu no sheshu: ghiqhi kepu zütakikihi, mikipe wuni keu atsüqo, külhü chuve eno qhoi kütsave kepu aghau eno tüghashiqo.

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

EZEKEL 14:15

“Tsala I no tüghashi pelo ayeghi hipau lo ighipe no tipaqo no kütsave eno küghüküghaleive tsü aye, eno tüghashiqo ghenguno timi khumu kathasü wumo aye,

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

ACHINE 26:22

I no nongu lau tüghashiqo puwu no tipaqo no nongu tianuli, atsüaqu kütsave nani, eno nongu ye timi aghulo likhive nani, nongu laghiqo ye yenguyive nani.

JONAH 1:9

Pa no pi, “Ni ye Hebrewmi lakhi, eno Ampeu, Khuu azüghi eno qhaike yeghi lhophe keno, kungugha Lhou hu sümsa chekemi.”

JOSHUA 22:25

Kughengu Ampeu no ningu dolo Jordan pe alughi shive tsüae, nongu Reubenmi eno Gadmi, nongu ye Ampeu lau nongu saje kiumu kühae.’ Tishikeu lono no tianuli no ni tianuli pelo Ampeu mlla pemoni ke lakha luvi.