KUKAMI AKINIU 17:20 - Sumi Naga CL (Re-edited) Bible (BSI)

²⁰ Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

BAIBEL (BSI)

²⁰ AMPEU no Israilmi kumtsu milive, aghime panongu tsu eno panongu kughapesu ayikusami aghumi ulo suvetsu eno ashekhaloye panongu pa nhekithe lono haphe puwuve.

KUKAMI AKINIU 17:20 Mawu Ofanana

KUKAMI AKINIU 13:23

Ikemu Ampeu no panongu lau küpükini eno kimiye keu ache, eno Paw puloshoqhi Abraham, Isaac, eno Jacob lau akehu ishi kutolo panoqo süsho eno pühavemo momu Pa zülono hapheve moke.

KUKAMI AKINIU 13:3

Ampeu no Israelmi shou amlo ideve no Syria kükau Hazael eno pa nu Ben-hadad pama u lo ishokibe Israelmi phesüve tsü.

KUKAMI AKINIU 13:7

Jehoahaz ye pa gholo ghüshimi kihi kelo khurshimi lhopungu, khurkulu chighi eno apukhu lono chewuni kemi 10,000 likhive, kughengu Syria kükau no panongu kütsave eno ayeghimkhu toi kughulhove tsüke.

KUKAMI AKINIU 15:29

Israel kükau Pekah ghuloki lono Assyria kükau Tiglath-pileser no ighi no Ijon, Abel-beth-maacah, Janoah, Kedesh, Hazor, Gilead, Galilee, Naphtali yeghi kümtsü leluve tsü, eno timiqo kughu sasü Assyria lo wuve.

KUKAMI AKINIU 17:15

Panongu no Pa khuayeqo eno puloshoqhi khikhi pano puasüqo sasü shi keno, ti thaighae. Panongu no kichile julhoqo pape eno sükümxa lo Ampeu no shiye khunoqo toi shi kevilo pi azah tsü keno, tipaqo pape ke.

KUKAMI AKINIU 17:18

Tighenguno Ampeu no Israelmi shou ighono amlo ideve no Pa zülono panongu ikhive. Judah shiaye kumo aye lakhimu qhimove.

KUKAMI AKINIU 18:9

Hezekiah yepe mpe abidiu, ti ye Israel kükau Hoshea yepe mpe akütsüniu, lono Assyria kükau Shalmaneser no Samaria khasü luve,

KUKAMI AKINIU 21:14

I no I mheghi, Iw ghükulumi kileve nani eno pano ghümi u lo süvetsü nani, panongu ye akughumi shive no pano ghümi no pükaqhi nani,

KUKAMI AKINIU 23:27

Ampeu no pi, “I no Israel ikhive ketoi, Judah ghi I zülono ikhive nani, eno I no kishelu keu mishighüna Jerusalem ngo achineki khipau pesü I no, I je tile anani, ipi keno, I no peve nani.”

KUKAMI AKINIU 24:3

Judah shou hi ikughi keu ye mtsüqheino Ampeu zakütsü lono ke, tishianguno pa zülono Judah ikhive niye, ti ye Manasseh no axine kümla shike ghenguno ke,

NEHEMIA 9:2

Panongu kümtsü no inaghami launo kütüta shive no puthughope pano xine ngo apuasüqo xine piphe.

LESHELE 51:13

Tileno hekibidemi lau I no O laghiqo shika piye nani, eno axinemi no O lau xaide ighi nani.

LESHELE 53:5

Panongu ye thüghüi kepu küha keu-a lo shishe thüghüipe ani! Kughengu Alhou no o ghümi saghi kutholeve tsüae; nono panoqo shikujovae, kughengu Alhou no pano milive.

LESHELE 80:13

Aghasü lo amini no ti külhüvae, eno aluza lo tüghashiqo no chu ani.

ISAIAH 2:6

No Ampeu ye kuchou no Ow timi Jacob laghami kileqhivae, kughengu panongu ye kipelau küdüu lhoaye eno Philistiami toi tuumi pülü keu no chhivae, panongu no inaghami sasü au küküsü luvae.

ISAIAH 45:25

Ampeu launo Jacob kughukomi kümtsü shou, achipi kepi xathabe nani eno ajuküvü ithulu nani.”

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

JEREMIYA 46:28

O I qeu Jacob, msa kevilo, ipi Ampeu no sheshu, kughengu Ni ye o gholo ani. I no khile o hale puwuve keno, shiye ti kümtsü kütsave nani, ikemu nou ye qhoi kütsamoe. Ni ye kiu gholau nomu o ghime mono qhivemo nani, I no aghibiu lono o sakiyi nani.”

JEREMIYA 52:3

Kughengu Ampeu mlo kighide ghenguno Pa no Jerusalem ngo Judah lo küami Pa zülono hapheve. Eno Zedekiah no Babylon kükau hebide thuve.

JEREMIYA 6:30

Panongu pesü kileve keu ghükayi ipi kue; kughengu Ampeu no pano milive ke.”

JEREMIYA 7:15

I nhethe lono I no Ephraim kughuko kümtsü haphe keshi, no laghami kümtsü haphe nani.

HOSIYA 1:6

Li no itaghi mishive no anga lakhi punu. Eno Ampeu no pa vilo pi, “Li je ye Lo-ruhama kutsülo, kughengu Ni ye Israel shiaye küpümo momu akipimi qhitsümo nani.

HOSIYA 12:3

Aza po lono pa no amu phitsü tsüqü luve tsü, eno pa no kichimi shive kethiu ye Alhou sasü kumjoe.

JONAH 1:10

Pa no Ampeu zülono poche keu pesü panoqo vilo pi kelo panongu ye shishe msave no pa vilo pi, “No ye hi ye kiu shive akea!”

JONAH 1:3

Ikemu Jonah no Ampeu zülono Tarshish küdau poveni ke wuve. Pa no Joppa lo iqi no Tarshish lo wu cheghi keu zükilu ithulu. Ikehu pa no ame tsüve no Ampeu zülono pove ghi tilau panoqo gholono Tarshish lo wuveni keu shie.

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

ZAKINIU 11:12

Ampeu nongu Lhou no ayeghi hipau tucho acheni. Ampe bothu lono kishekha kutolo Ampeu nongu Lhou nhethi no jukuto acheni.

ZAKINIU 32:20

Pa no pi, “I no panongu launo I gi küsüveni; pano shekuho I no jutsüni, kughengu panongu ye hekibide tiqhelimi ke, pano lolo pükhübekulu kühae.

2 Thes. 1:9

Panongu ye lhokta kütsakungo keu ghime sholu nani, Ampeu zülono eno Pa kumto jekipi lono hapheve nani,

JOSHUA 23:13

mtsüqheino hi ithilo, Ampeu nongu Lhou ye khilemu shiye hipaqo nongu zülono hapheve tsümo nani. Ikemu panongu ye alichhe momu aqo lakhi toi, amqa lo aqhe no heke toi momu anhethi lo asahu toi Ampeu nongu Lhou no tsükeu yeghi kivi lono kühave moke kutolo nongu ghenguno aküighüpu shive nani.

XAKUTHAMI 18:30

Tishino Danmi no ajulho ghope qhive eno Moses nu Gershom nu Jonathan ngo pa nuliqo no Danmi gholo achinemi shiche. Panongu ye inami yeghi lo akughumi shi sawu moke kutolo achinemi shiche.

XAKUTHAMI 2:14

Ikehu Ampeu no Israelmi lau ighono axuideve no panongu pesü süxakuchumi tsüve no tipaqo no pano xüle puwuve pe. Pa no pano ghümi u lo panoqo jesüve, tishikeu lono Israelmi ye kiu nomu panongu süshokulupu shimlave.

SAMUEL ATUGHIU 15:23

Kughengu ghokibide ye atumu xine paphi, eno kümsükuju ye hekibide ngo ajulho kümlla paphie. Nono Ampeu tsa milive akehu, Pa ghi aküka lono o milivae.”

SAMUEL ATUGHIU 15:26

Samuel no pi, “Ni ye o gholo idewo moae. Kughengu nono Ampeu tsa milivae, eno Pa ghi nono Israel kükau shi akeu milivae.”

SAMUEL ATUGHIU 16:1

Ampeu no Samuel vilo pi, “Israel shou akükau shipemo niye I no Saul milive ake no ye khitohi pa ghenguno amlo ijuni kea? O kibo lo thazü lesüpe wulo. Bethlehemmi Jesse lau I no o puwuni, kughengu I no pa nuli dolo lakhi pesü akükau shipenike kutope qhivae.”