Kolosiami 3:10 - Sumi Naga CL (Re-edited) Bible (BSI)

¹⁰ eno alhoaye kithe pepu luvae, ti ye Lhoküsüu no Pa ithitoilu penike Pa kimihi shitsü acheni.

BAIBEL (BSI)

¹⁰ Hiye pa lhokusuu Alhou no pa ghili ithiluve peniye tamono pa ngulho kimihi lono shikithetsu acheni.

Sümi Tiqhelimi Bible

¹⁰ eno alhoaye akitheu pepuluvea ke. Alhoaye akitheu hu ye Pulhosükütsü Lhou no pa ithive no pa toi shiluve peniye shikithe tsü acheni.

Kolosiami 3:10 Mawu Ofanana

BOTHUBO 5:1

Hi no Adam kughuko kaku. Kughou Alhou no timi pulhosü keno, Pa no Alhou jukimihi lono pa lhoe.

JOB 29:14

I no amikucho phimini pepuche, kuchou xakütha no chijeboike phi eno akütsükükha ke.

LESHELE 51:10

Amlo kimthe I lolo lhosü tsülo, O Alhou, eno achipiu ghungu I lolo sütsülo.

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

ISAIAH 59:17

Pa ye achipiu-mikucho no pa mlaküxa shike, eno tino paw xakulupu yikütsükuqho shike; eno pa no amkhükulu no pa phimini shike, eno minemighei keu no aphi toi pa küzüpu ke.

EZEKEL 11:19

I no amlo lakhi panoqo tsü nani, eno aghungu kithe panoqo lolo sütsü nani. I no panoqo phimpi lono atu mlo ikhive tsü nani eno aghokulu mlo panoqo tsü nani,

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

EZEKEL 36:26

I no amlo kithe nongu tsü nani, eno aghungu kithe nongu lolo sütsü nani. I no nongu lolo atu mlo ikhive tsüno ashi mlo pesü tsü nani.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Rommi 13:12

Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 6:4

Ikehu akithi lo baptiz shisü luve keu lono ningu ye Pa gholo qhove, tishikeu lono Apu juküvü küka lono Khristo pesü xüputhuve ketoi, ningu ghi aküxü kitheu lo cheche peniye ke.

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

2 Kor. 4:16

Tighenguno ningu ye amlo hauve chemoe. Ni phiashi ye tsüma aya kemu ni lolo ye tsalakipetsü akithe shivetsü ani.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

Galatiami 3:27

Kughengu nongu khije no Khristo lau baptiz shisü luve akeno Khristo pepu luvae.

Galatiami 6:15

Kughengu aphighüyiko ghana ghamo namu kiumu akiqi kühae, ikemu lhoxü kithe shiluve keu no akhotou ke.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Ephesiami 2:15

ti ye Ayezah lo azakütsü eno akhuaye jeli kümtsü shipühave tsükeu lono ke, tishianguno pa no timi mqo kini pesü pa lau timi kithe lakhi shi kughulhophe no külashi tsü,

Kolosiami 3:12

Tighenguno Alhouw kishekiphe, akimthe eno kimiyeqhiyi kemi akehu, kimiyekini mlo, amlo ighiqhiyi keu, akümtsha, aküghüvü, eno kutuukulu pepulo.

Kolosiami 3:14

Hi kümtsü nguno alau kikimiye pepulo, kughengu kikimiye no thokha kupukülai tsügha küqhatsü cheni.

Philemon 1:6

Nono o küpülü kütami sasü küsaje keu lono Khristo ghenguno ningu lolo akivi chhitoi akeu kümtsü ithitoilu penike I no inikhu ani.

IBRIMI 6:6

kethiu no ikiqiveni keno, panongu ye itaghi pano ghüzave ghi kros lo Alhou Nu yeda kithe no shikukujo ani keke panoqo sasü xaideghi luni keu ye kushokütsüpu ke.

1 John 2:3

Hipau vecheo ningu no ithilu keu ye tsala ningu no Alhou zakütsüqo pelu aye ningu ye Pa ithitoi luvae.

1 John 2:5

ikemu khunono Pa tsa peluni keno, kuchou no Alhou kikimiye ye pa launo kupukülailu cheni. Hipau vecheo ningu ye Alhou küdau ani kepi ithilu nani:

Piyeküsü 21:5

Kükalakhü lo khuu iqa akeno Pa no pi, “Julo, I no thokha kümtsü akithe kughulho tsü ani.” Eno itaghi pi, “Hi yepe qhilo, kughengu atsa hipaqo ye kuchou eno pükhükulupu ke.”