Kolosiami 1:23 - Sumi Naga CL (Re-edited) Bible (BSI)

²³ ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

BAIBEL (BSI)

²³ ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

Sümi Tiqhelimi Bible

²³ tiye nongu no aküpülü lo aboqha kumto shou mutotoilu eno ithamo püzü lajupu akeu atsakiviu lo ache moayesa ke. Atsakiviu hipau ye nongu no chiluve keu ke eno atsütsǘ qholo lhoxü jeli kümtsü lau asheshuvae, eno atsakiviu hipau lo ni Paul pelo aqeu lakhi shilu pe ke.

Kolosiami 1:23 Mawu Ofanana

LESHELE 125:5

Ikemu khunono chighichilai keu laghi lo wuveni keno Ampeu no kixikilami gholo haphe puwuve cheni! Israel shou aloino keu apelo!

AKUMLO 3:66

O Ampeu, O tsütsü qholo Nono axukighide lono panoqo hawuno kütsave nani.”

EZEKEL 18:26

Kughou amikuchomi no pa chipiu mikucho lono tsüghüsü wuve no achipikumo shiveni keno, pa ye tipau ghenguno thinani; pa no achipikumo shiveke ghenguno thinani.

ZEFANIA 1:6

Ampeu papeche no athiu idewove kemi, Ampeu phumo momu Pa küsütsamo kemi kütsave nani.”

Mark 16:15

Pa no panongu vilo pi, “Ayeghiqha kümtsü lo wulo eno atsakiviu pesü pulhoküsü kümtsü lau sheshu lo.

Luke 22:32

ikemu o küpülü itha pemoni ke I no o ghenguno inikhuvae. Kughou nono ideighini keno, o thiküzümi shikumto lo.”

Luke 6:48

pa ye timi lakhi no aki shikelo ayeghi thonhei chhusü no atu shou aboqha shike toike. Kughou atshünazü ighi keno, züqozü ghoki no aki tipau lo chhepuku kemu ti ye akivishi mlapüa kehu süküghütha mlae.

John 15:6

Khunono I lau kimepe moni keno aloka lakhi toi ikhipe peve cheni eno thizümüive cheni; aloka tipaqo ye xukumqope ami lo vesü no pitive cheni.

Apostolmi 1:17

Kughengu pa ye ningu gholo lakhi shiche, eno hipa kümlapu lo pa saje kophe tsüpüa ke.”

Apostolmi 1:25

Judas no qhive no pa-a lo chevekeu theli lo apostolmi shino hipa kümlapu saje pelu peni keno ni piyelo.”

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Apostolmi 2:5

Tipa ghuloki lo aghakhu kümtsü lono amlo kütsümi Jewmi Jerusalem lo ae.

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

Apostolmi 26:16

Ithu puthugho lo, kughengu avehu hipau ghenguno ni ye o zülo ipeghi ani, o pesü I qeu shino nono ni ithuluve keu eno itaghi I no o zülo ipeghi niye akeu pesü thopi shipeni.

Apostolmi 4:12

Xakulupu ye khuu lau nomu ithumla nani, kughengu ningu xaluni ke atsütsü qholo aje hinguno kütau timiqo lau tsü püamoe.”

Rommi 10:18

Ikemu I no hi ighiju ani, panongu ye chilu mphi kea? Itsa, chiluva thono, kughengu “Panongu sütsa ye ayeghiqha kümtsü lo külhavae, pano tsa ye ayeghi shekha tovae.”

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

1 Kor. 3:5

Imaye Apollos ye kushi kemi eno Paul ye kushi kemi kea? Pama ye aqemi, eno Ampeu no pichetsü ketoi pama vecheo nongu no pülülue.

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

2 Kor. 11:23

Panongu ye Khristo qemi keshea? Niu no akiviue—ni ye izüuve kemi toi pi auvae—panongu nguno niu no alau aghime shipüani, ghuthu kutomo akughu shipüani, pikhakümla kitihe chupüani, eno ghuthu kutomo thiveni cheghi püani.

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

2 Kor. 4:1

Tighenguno, Alhouw küpükini vecheo akümlapu saje hipau ningu tsü kehu, ningu ye amlo hauve chemoe.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Galatiami 4:11

Ni ye adou lono nongu gholo ime mlache keshela pi msa auvae.

Galatiami 5:5

Kughengu ningu ye Aghungu vecheo aküpülü lono achipikani ke khekulho shi laju ani.

Galatiami 5:7

Nongu ye akivishi pocheke. Khuu no kuchou gholuni keu lono nongu hachileve kea?

Galatiami 6:9

Ningu akivi mlani keu lo aghüthisüve moni nolo, kughengu ningu no azüzü mono mla aye ado achipi lono xolu nani.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Ephesiami 2:21

atsükucho eno axu kümtsü Pa gholo kime küqhape Ampeu lau akimthe chineki shi thuwulu cheni.

Ephesiami 3:17

tishianguno aküpülü vecheo Khristo no nongu mlo lo ngolu peni, eno kikimiye lo akuhu qüsüpe mtotoi luno nongu no

Ephesiami 4:16

Pa launo aghi aphimpi kuchopu anhü vecheo ghokünape kime küqhatsü no thuwulu cheni. Kughou aphiau lakhikhi no pütüta kümlapu achipi lono shini keno aphimpi ye kikimiye lono pa ampi shiqhelu cheni.

ZAKINIU 2:25

Ishi tsala nguno I no atsütsü qholo nongu ghili chilu kemi ashiaye kümtsü pelo nongu msauve peni eno nongu zülo khokhoshi peni.’

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

Kolosiami 1:25

khipau ghenguno Alhou no I pelo nongu lau Alhou tsa kupukülai pikülha penike I pesü aqemi shi süsüe,

Kolosiami 2:7

pa gholo akuhu qüsü no shiqhe pukulo, eno nongu shikave ketoi aküpülü shikumto luno shikimthikütsü no qochili alo.

1 Thes. 3:3

tishianguno aghime hipaqo lono milakhi mu ithave pemo niye ke. Kughengu nongu ampi no ithi anike aghime no ningu saje shivae.

1 Thes. 3:5

Hi ghenguno kughou I no kutuu mlave keno, ni ye ghukujuu no nongu ghuju sawuve no ni kümla adou shive nosa keu kümsa lono nongu küpülü ghili ithini ye Timothy puwuke.

1 Thes. 5:8

Ikemu ningu ye tsüküvü laumi kehu, tsükhütsüvai shini, aküpülü eno kikimiye pesü amla küküzüpu shini, eno xakulupu lajupu no akütsükuqho shini.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

1 Tim. 1:12

Akümla hipau shipenike akumto I tsükeu, ni Mpeu Khristo Jisü shikimthi ani, kughengu pa no ni ye pükhükulupu kepi xatha no I pesü pa kümla lo süsüe,

1 Tim. 2:7

Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

Titus 3:7

tishikeu lono Paw küpükini vecheo ningu pesü achipikalupe no lhokta küxü lajupu lo amheghi kiyighimi shilu peke.

IBRIMI 10:38

ikemu Iw amikuchomi ye aküpülü lono xülu nani, eno pa no athiu idewove aye ni ye pa shou I lokiqi kühave nani.”

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 6:19

Ningu ye lajupu hipau angulhow thebei eno ithamo keu yiküba toi ani, lajupu hi no nhaqhiphi thiu alou chebo lo ilocheni,

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.