Kolosiami 1:12 - Sumi Naga CL (Re-edited) Bible (BSI)

¹² Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.

BAIBEL (BSI)

¹² Eno alokivishi Apu shikimthi alo, pa kuvu kukaqhalo pawu timiqo ghenguno amheghi iyighilupe nike pano nongu pelo akuzupu shilupeke.

Sümi Tiqhelimi Bible

¹² eno Apù khuu no nongu pelo aküvü kükaphu lo paw akimthe timiqo gholo amheghi küsajelu penike nongu pelo aküzüpu shilu pe keno alokiqi shikimthi pesü pa tsü ani.

Kolosiami 1:12 Mawu Ofanana

KUKAMI ATUGHIU 6:7

Kughou aki mla akeno, atuqo ye chhukütha-a lono akivishi mlave no süwo kimeve kehu achineki loye ayihesü, amüghü momu tinhemgha kiumu qhoqhoshi ighamoe.

YEKIKITHI ATUGHIU 29:20

Tishino David no aqomi azah tsü, “Ampeu nongu Lhou sheqhelo!” Eno kümtsü no pano puasü Lhou, Ampeu sheqhe, eno agigihu michishi panongu kütsü pishiqhope Ampeu ngo akükau tsü.

LESHELE 116:7

O I ngulho, O kulhokiqhi-a lo ideighilo; kughengu Ampeu no nibonilei o lau mlave tsüae.

LESHELE 36:9

Kughengu aküxü züpuki ye O lau ani; O küvü lono ningu no aküvü ithulue.

LESHELE 79:13

Ikemu ningu Ow timi, O tsüni kümtsha lo ambeqo ye alholo shikimthi keu O tsüni; tiqheli tiqheli kutolo ningu no O shekiqhe le pheni.

LESHELE 97:11

Aküvü no amikuchomi shou yepuku ke, eno amlo kümzümi shou alovi ke.

AHOLE 16:1

Timi no amlo lo kümsü akeu kiqi lono kughuphe cheni, ikemu khokichile ye Alhou launo ighi cheni.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

DANIEL 2:23

O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

John 4:23

Ikemu kuchou kümllami no aghungu eno kuchou lono Apu mllani keu tüqhüdo cheni, eno ti ye itehi ke, kughengu Apu ye hitoi Pa mllani kemi phucheni.

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Rommi 11:17

Ikemu aki lo pighiu olive sübo lo aloka hami no icheve kehu nongu no aghalo olive toi anamu pewo kütami gholo kime kelo itehi ye asübo kuhu gholo thoni-tsanyi küsajelu ani kehu,

Rommi 15:27

Kuchou lo panongu ye tishi kelau kehu amlokiqi shi tsüni keu kümsülue. Kughengu Jewkumomi no Jewmi vecheo aghungulo kükümgha küsajelu püaghi aye, itehi Jewmi no avehupu shi akelo panongu ghi tinhemgha jeli pesü kümghatsü kepue.

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

Rommi 9:23

Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

1 Kor. 8:6

ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

1 Kor. 9:23

Ni ye atsakiviu ghenguno hi kümtsü shicheni, tishianguno panongu gholo ni ghi tipau kükümgha küsaje niyeke.

2 Kor. 11:14

Akümza akepu kühae, kughengu Satan ghi aküvü lo kungumi ghilishi cheni.

2 Kor. 5:5

Khuu no aghungu pesü ningu tsü püzü ningu ghenguno thime hipau kutokughoi qhitsü keno ti huye Alhou ke.

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Ephesiami 2:18

Kughengu ningu amqo kinikujo pa vecheo Aghungu lakhi lono Apu pesü ningu kütsa shilue.

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

Ephesiami 4:6

Alhou lakhi, khuu no kümtsü Papu keno, Pa no kümtsü shou Akütsü, kümtsü gholo ani eno kümtsü lo ani.

Ephesiami 5:11

Aküzü kümla athi pithimo keu lo chhosü kevilo, tishinike züqhulo tipaqo pesü aküvü lo pephelo.

Ephesiami 5:20

Alhokuthu lo thokha kümtsü ghenguno ni Mpeu Jisü Khristo je lono Apu Alhou lau shikimthi tsülo,

Ephesiami 5:4

Tike kumono alhoksa tsa, mbomzü eno ghapha ghale tsa ye nongu ghenguno aküzüpu kumoe, tishinike züqhulo shikimthi tsüalo.

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

Kolosiami 3:15

Khristow aloino keu no nongu mlo lo ayepe pelo, hipau ghenguno aphimpi lakhi lo nongu kuluve ake. Eno shikimthi qhiyi lo.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 12:23

Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

James 3:9

Hipau pesü ningu no ni Mpeu eno Apu shikimthi cheni, eno Alhou kimihi lono lhokeu timiqo ghusho cheni.

1 Peter 5:1

Ikehu, I no Khristo ghime lo thopimi lakhi shi, ajuküvü pepheni ye akeu lo ghi asaje kulumi, eno kichimi lakhi shino nongu gholo layemiqo shikumto anike:

1 John 1:3

Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.