JONAH 3:6 - Sumi Naga CL (Re-edited) Bible (BSI)

⁶ Atsa huno Nineveh kükau tove, eno pa no aküka lakhü lono ithuve, pa kükaphi lhaqhive, yeqhiyephi pesü pa küzüluve, eno ayevu lo iqave.

BAIBEL (BSI)

⁶ Kughou Nineve lo akukauno tipa sutsa chilu keno, akukalakhu lono ithuve pa kukaphi lhaqhive yeqhiye phi upuzu ayevulo iqaluve.

JONAH 3:6 Mawu Ofanana

KUKAMI ATUGHIU 21:27

Kughou Ahab no atsa tipaqo chilu keno, pa no pa phiküzü süxüve no yeqhiyephi pepusü kümvü eno ighono amlo saqhiyi itsü wuve.

JOB 2:8

Job ye pa piyi chuxa kepu alitsa tachu pesü ayevu lo ihiuve.

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

ISAIAH 15:3

alaghi lono yeqhiyephi pepuvae; aki kütsüqa eno kobidi-a lo kümtsü no anhezü piji qa ani.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

JEREMIYA 36:13

Baruch no timiqo no chikulupu shi liküküzü kaku lono phisü keu Micaiah no chilupe panongu vilo qhoi pi.

JEREMIYA 36:24

Ikeghi akükau na paw kijemi atsa chilu kemi namu khunomu msamoe, momu pano phimini süxümoe.

JEREMIYA 6:26

O Iw timi ngaqo, yeqhiyephi pepu no ayevu lo ihilo; anu lakhi likhi keu ghenguno mlo ketoi, kukhukimji shi mloqa lo, kughengu züleno hekiqhimi no ningu shou ikughuni cheni.

AKUMLO 2:10

Zion ngaw layemiqo ye inaqhoi ayeghi lo iqa anie; panoqo ye akütsü lo ayeghimkhu epuku no yeqhiyephi xapuvae; Jerusalem limiqo no pano kütsü pesü ayeghi lo shosüvae.

AKUMLO 3:29

akichi pesü ayeghimkhu lo daluvelo, tile lajupu aghi nani;

EZEKEL 26:16

Tileno azüghimkü lo kükapumi kümtsü no pano kükalakhü lono iqighive no chijeboike phi ngo aye shisükeu phimini xaqhive nani. Msaighü keu no panongu kuuphi shi pepu nani; panongu no ayeghi lo iqave no atüqhüdo kümtsü khokhoshi nani eno nongu jupe akichiqhi nani.

DANIEL 9:3

I no Ampeu Alhou lau I gi kugho puwo, akighini eno kümvü keu, yeqhiyephi ngo ayevu vecheo küpükini piye penike qhüiniju.

MICAH 1:10

Gath lo tipau pi kevilo khilemu mloqa kevilo; Beth-le-aphrah lo ayeghimkhu lo ihozü lo.

MATTHEW 11:21

“Chorazin, o hasapue! Bethsaida, o hasapue! Kughengu nongu lau aküka kumto kümla shikeu hu Tyre ngo Sidon lau shi püaghi keaye, tipaqo ye khaghi no yeqhiyephi pepusü ayevu lo ihino xaideve aghini cheke.

Luke 10:13

“Chorazin! O hasapue, Bethsaida! O hasapue. Kughengu nongu lau akumto kümla shikeu huno Tyre ngo Sidon lau shi püaghi keaye, tipaqo ye khaghi no kumshophi ngo ayevu lo ihi xaideve aghini cheke.