John 6:53 - Sumi Naga CL (Re-edited) Bible (BSI)

⁵³ Ikehu Jisü no panoqo khochile, “Kuchou no I no nongu vilo piani: nongu no Timi Nu shi eno aji chusho moke thaqhülo nongu lolo aküxüpu kühae.

BAIBEL (BSI)

⁵³ Jisu no panoqo khochile, “Kuchouno ino nongu vilo pini: nonguno Timi Nu shi aji chumo eno shomo aye nonguye nongu lolo akuxupu kuha nanie.

Sümi Tiqhelimi Bible

⁵³ Jisü no panongu vilo pi, “Kuchou no I no nongu vilo pìní, Timi Nu shi chumo eno pa jì yemo ke thaqhülo nongu ye lhokta küxü ithumla nani.

John 6:53 Mawu Ofanana

MATTHEW 18:3

eno pi: “Kuchou no I no nongu vilo piani, nongu no aküxü kililu no itimi toi shimo kelo nongu ye khilemu Kungugha yekipe lo ilomo nani.

MATTHEW 5:18

Kughengu mtsüqheino I no nongu vilo piani, atsütsü eno ayeghi no hauve moke kutolo, Ayezah lo kiyethi akulotiu, momu choküsü lakhimu shikupu khamoke kutolo hauvemo nani.

MATTHEW 8:20

Jisü no pa vilo pi, “Aghalo tsüqo ye atuki ani, eno aghauqo ye apüsü ani, ikemu Timi Nu ye khilehi mu pa kütsü belu kepu-a kühae.”

Luke 13:3

Moe, I no nongu vilo piani; ikemu nongu no xaidemo kelo nongu kümtsü titoi pühave nani.

Luke 13:5

I no nongu vilo piani, kumoe; ikemu nongu no xaidemo kelo nonguu ghi kümtsü titoi pühave nani.”

John 13:8

Peter no pa vilo pi, “No ye khilemu I pukhu qhumo nani.” Jisü no pa khochile, “I no o pukhu qhutsümo aye, no ye I gholo kuloji amoe.”

John 15:4

I lau kimepe lo, eno I no nongu lau kimepeni. Aloka lakhi no atsaibo lo kimepe mokelo pa kutoshi ye axathi pithimla ketoi nongu no I lau kimepe moke loye athi pithimlae.

John 3:3

Jisü no pa khochile, “Kuchou no I no o vilo piani, timi lakhi no punu kithemo keloye Alhou yekipe ithumlae.”

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

John 3:5

Jisü no khochile, “Kuchou no I no o vilo piani, milakhi no azü eno Aghungu lono punu kithemo keloye Alhou yekipe lo ilomlae.

John 6:47

Kuchou no I no nongu vilo piani, khukhumu pülü keu no lhokta küxü ani.

John 6:51

Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

John 6:55

Kughengu I shi eno I ji no kuchou chuqu-kusho ke.

John 6:62

Imaye Timi Nu no Pa no püzüu acheke-a lo iku chekeu nongu no ithulu aye kishi nani kea?

1 John 5:12

Khukhumu Anu pesü paw shiluve keu ye aküxü ani; khukhumu Anu pesü paw shimo keu ye aküxü kühae.

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’