John 5:46 - Sumi Naga CL (Re-edited) Bible (BSI)

⁴⁶ Nongu no Moses pülüke aye nongu ye I pülüni cheke, kughengu pa no I ghili yeke.

BAIBEL (BSI)

⁴⁶ Nonguno Muse pulu keaye nonguye ipulu nicheke, kughengu pano ighili yehke.

Sümi Tiqhelimi Bible

⁴⁶ Nongu no Moses pülü cheghi aye, nongu ye I pülüni cheke, kughengu pa no I ghili yè ke.

John 5:46 Mawu Ofanana

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BOTHUBO 18:18

Abraham ye mtsüqheino kije eno akughushu shiye shi nani, eno ayeghi lo shiye kümtsü pa vecheo müghalu nani.

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

John 1:45

Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

John 5:47

Ikemu nongu no pa kiyeqo pülümo keno kishino I tsa pülüni kea?”

Apostolmi 26:22

Ishi tsala kutolo, ni ye Alhou launo ighikeu kukuphu ithulu kehu hile puthugho no kijemi kitilami lau ala süküpha mono tungkupmi ngo Moses no shinanie pi püakeu likhi ashepe tsü ani:

Rommi 10:4

Kughengu Ayezah kimji ashekhau ye Khristo ke, tishianguno khukhumu pülü keu pelo achipikalu peniye ke.

Galatiami 2:19

Kughengu Ayezah vehulo ni ye Ayezah vecheo thivae, tishianguno Alhou lau xülu niye ke.

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

Galatiami 3:24

Ikehu Khristo ighi mphi kutolo Ayezah no ningu ghaküsüu shiche, tishikeu lono ningu pelo aküpülü vecheo achipikalu peniye ke.

ZAKINIU 18:15

“Ampeu nongu Lhou no I toike tungkupu lakhi nongu athiküzümi lau puwu nani, nongu ye pa gholu masae.