John 16:11 - Sumi Naga CL (Re-edited) Bible (BSI)

¹¹ küghaküthapu tsa loye, hipa yeghi lo yepeu shou küghathabe nani kehue.

BAIBEL (BSI)

¹¹ kughakutha ghili lhe nani kughengu ayeghiqha hipau yehkipeu shou kughakutha betsu ni ake.

Sümi Tiqhelimi Bible

¹¹ eno küghakütha ghili kimchitsü nani, kughengu itehi ye ayeghi hipauu kükapuu kiléqhive ake.

John 16:11 Mawu Ofanana

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

MATTHEW 12:18

“I qeu khuu I no kishephe keno I ngulho no jupe amloqi chekeu, I qhuu julo. I no I ghungu pa shou lepukutsü nani, pa no Iw kuchou xakütha pesü shiyeqo lau sheshu nani.

MATTHEW 12:36

I no nongu vilo piani, küghakütha tsala lo kümtsü no kutokupui mono pive keu tsa ghenguno kihikülai tsümasa nani,

Luke 10:18

Pa no pi, “Tsütsüpha toi Satan no atsütsü lono ikiqive keu I no ithulue.

John 12:31

Itehi ye hipa yeghiqha shou küghakütha ghulokiae, itehi ye hipa yeghiqha yepeu haphe kepu ghulokiae.

John 14:30

Ni ye nongu sasü ado kushuo nongu pütsa moae, kughengu hipa yeghi yepeu cheae. Pa ye I shou aküka kiumu küha,

John 16:12

“Ni ye nongu vilo thime kutomo pikepu aphi, ikemu itehi nongu ye tipaqo ithikuthu khamlae.

Apostolmi 10:42

Pa no ningu vilo sheshu lopi azah tsü, eno Alhou no pa pesü küxümi ngo kithimi shou küghaküthau shi kishelu kepi ashepe shipenike azah tsüe.

Apostolmi 24:25

Pa no amikucho, alikhi aghasükulu, eno küghakütha chekeu vehu apasü shi lhewo kelo, Felix ye thüghüive no pi, “Hi no tave aghilo, kughou adokivi ithuluni keno I no o ku puwuni.”

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Rommi 16:20

Aloino keu Lhou no kighithe nongu pukhu philono Satan nedaqhi nani. Ni Mpeu Jisü Khristow küpükini no nongu gholo apeniu.

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

Kolosiami 2:15

Pa no yepemi ngo aküka jeli liluve tsüno panongu shou toluve keu vecheo ikhikiphe shi panongu shikujove.

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

IBRIMI 6:2

baptizkishi ghili, au kibe, kithimi xüchilekulu, eno lhokta küghakütha pesü itaghi aboqha qhakithe moni.

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.