John 14:13 - Sumi Naga CL (Re-edited) Bible (BSI)

¹³ Nongu no I je lono kiu kiumu khukeu I no shitsü nani, tishikeu lono Anu vecheo Apu jekipipu shinani.

BAIBEL (BSI)

¹³ Nonguno ijeku puzu kiu kiumu khuni keno ino shitsuni, tishikeu lono Anu vechewo Apu jepipilu penike.

Sümi Tiqhelimi Bible

¹³ Eno nongu no I je lono kiu-kiumu khu keu I no shitsü nani, tishi keu hu no Anu vechewo Apù juküvüpu shipe niye ke.

John 14:13 Mawu Ofanana

MATTHEW 21:22

Eno nongu no akighini lono kiu kiumu khu kelo, nongu no aküpülü aghi aye ithulu nani.”

MATTHEW 7:7

“Khulo, eno ti nongu tsü nani; phulo, eno nongu no phulu nani; kukhulo, eno nongu lau khaqhitsü nani.

Mark 11:24

Tighenguno I no nongu vilo piani, nongu no kiu kiumu akighini lono khu kelo, ti ithuluvae pi pülülo, tishi aye ti ye ow shilu nani.

Luke 11:9

Itaghi I no nongu vilo piani, khulo, eno ti nongu tsü nani; phulo, eno nongu no phulu nani; kukhulo, eno nongu lau khaqhi tsü nani.

John 10:30

Ni eno Apu ye lakhie.”

John 12:44

Jisü no ighamku pi, “Khunono I pülü ani keno, I pülü anike kumoe ikemu I puwu keu pülü ani.

John 13:31

Pa no ipeve kethiu, Jisü no pi, “Itehi ye Timi Nu jekipipu shivae, eno pa vecheo Alhou jekipipu shi ani.

John 14:14

Nongu no I je lono I vilo kiu kiumu khu aye, I no ti shitsü nani.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

John 15:7

Nongu no I gholo kimepe eno I tsa no nongu lolo aye, nongu no kiu pulo keno khulo, eno nongu ghenguno tipau shitsü nani.

John 16:23

Tipa tsala lo nongu ye I vilo kiumu khumo nani. Kuchou no I no nongu vilo piani, nongu no I je lono Apu vilo kiu kiumu khu kelo Pa no nongu tsü nani.

John 16:26

Tipa tsala lo nongu no I je lono khu nani, eno ni ye nongu züqhushi Apu vilo khutsü nike piamoe,

John 16:7

Tishinamu I no nongu vilo kuchou tsa pini: nongu kivipu ghenguno I no wuve masae, kughengu I no wumo aye Akukuphuu ye nongu lau ighimo nani. Ikemu I no wuve aye, I no nongu lau pa puwu nani.

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 5:19

Ikehu Jisü no panoqo vilo pi, “Kuchou no I no nongu vilo piani, Anu ye pa kutoshino kiumu shimlae, ikemu Apu no shiaghi keu pa no ithulu keu likhi shicheni. Apu no kiu shi keno Anu ghi tishi cheni.

John 7:37

Aghulhu tsala ashekhau, kümtsü nguno akhotou tsala lo Jisü no puthugho no ighamku pi, “Khukhumu tüghüthi aghi aye, I lau ighi no yelulo.

1 Kor. 14:13

Tighenguno khuu no amilikithe lono piani keno, pa ye pekide lunike ghenguno inikhu masae.

Ephesiami 2:18

Kughengu ningu amqo kinikujo pa vecheo Aghungu lakhi lono Apu pesü ningu kütsa shilue.

Ephesiami 3:12

pa laumi shikeu eno pa lau aküpülü akeu vecheo ningu ye ighümo no amlo kumtoshi Pa zülo wulu cheni.

Ephesiami 3:14

Akiqi hipau ghenguno ni ye Apu zülo qhoqhünhe cheni,

FILIPIAMI 4:13

Khristo no I shikumto keu vecheo ni ye thokha shilu nani.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

IBRIMI 4:15

Kughengu ningu ye ni kutokumo vetha tsümlani keu chinetou anike kumoe, ikemu alaghi kümtsü lono ningu toi ghükeju kemu axine shipüamo keu chinetou anie.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 John 3:22

eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.

1 John 5:14

Ningu no Alhou lau amlo kuloghipu akeu ye hike: nino kiu kiumu Pa pulou lono khu aye Pa no chilutsü nani.