John 11:24 - Sumi Naga CL (Re-edited) Bible (BSI)

²⁴ Li no pa vilo pi: “I no ithi anike pa ye ashekha tsala xüchilekulu lo ithughive nani.”

BAIBEL (BSI)

²⁴ Lino ishi pa vilo pi: “Ino ithi anike ashekha tsalalo paye xuputhuve nani.”

Sümi Tiqhelimi Bible

²⁴ Martha no khochile, “Pa ye ashekha tsalà lo xülekuthu shi kelo itaghi ithughive nani kepi I no ithi anie.”

John 11:24 Mawu Ofanana

LESHELE 17:15

I ghengu ye, I no achipiu mikucho lono O gilo juni; kughou I no ithughini keno, O kimihi lono I ghapiqi luni.

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 26:19

Ow timi thive keqo ye pano phimpi no xüthughive nani. Nongu ayeghimkhu lo akeqo, ithu alokivishi ale phelo! Kughengu O tsüzü ye inaqhe tsüzü, tino ayeghi vepüxüpe kithimi lau aküxüpu tsünanie.

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

HOSIYA 6:2

Atsala kini thiu Pa no ningu püxü kithetsü nani; atsala aküthüu lono Pa no ningu sünheqhe nani, tishianguno nino Pa zülo xüni.

Luke 14:14

tishikeu lono nou no akümghau shilu nani, kughengu panongu ye o tsüchile mla nani. Kughengu amikuchomi xüchilekulu tsala lono o tsüchile nani.”

John 11:23

Jisü no li vilo pi, “O peu ye ithughive nani.”

John 6:39

Eno I puwu keu pulou ye hike: Pa no itsü keqo lakhimu pühave mono ashekha tsala lono xüputhu niye ke.

John 6:40

Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

Apostolmi 24:15

Alhou khuu timi hipaqo no ikhilu cheni keno, Pa shou Iw lajupu achekeu ye amikuchomi ngo kixikilami kinikujo xüchilekulu anani.

IBRIMI 11:35

Totimiqo no pano bolomi akithi lono xüputhuve kemi ikhilue. Khami ye aküxü akiviu lo xüputhu peniye kuqhokiphe ghi milive no kijipüsa peke.