JOB 22:3 - Sumi Naga CL (Re-edited) Bible (BSI)

³ Nono achipi shiaghi namu tino Akughushuu lopu shilu, momu tukutiye kühakeu no Pa vehupu shiluni keshea?

BAIBEL (BSI)

³ Nono amikucho shiaghi keu lono Tuchomujokutsu Lhou lokiqipu kesha?

JOB 22:3 Mawu Ofanana

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

JOB 21:15

Akughushuu ye khuue pi ningu ye Pa qe amasa kea? Pa lau inikhu kelo ningu la kiu shilu nani kea?’

JOB 22:2

“Timi ye Alhou vehupu shilu nani keshea? Mtsüqheino alokütsümi ghi pa vehupu likhi shilu anie.

JOB 22:4

Nono Pa sümsake ghenguno Pa ye o sakiyi eno o sasü küghaküthapu lo ilo anie pi kümsü ani keshea?

JOB 34:9

Kughengu pa no pivae, ‘Alhou züküvüpu shikeu lono timi ye kiumu ala shilu chemoe.’

JOB 35:7

Nono amikucho shi aghi aye, no ye kiu Pa tsülu ani kea? Momu Pa ye o u lono kiu ithulu ani kea?

LESHELE 119:59

Kughou I no I laghiqo kümsükutoju keno, I no I pukhune süqhepe O kükütsü küdau ighi ani;

LESHELE 39:1

I no pi, “Ni ye I laghi jukutoni, tishiaye I mili pesü axine shimo nani; kixikilami no I zülo ake tivilo ni ye I kichi kujukha luveni.”

AHOLE 11:1

Ahu kuchokumo ye Ampeu zülo aphikümqhüpue, ikemu aqhemi shikeu huno Pa lokiqipu ke.

AHOLE 11:20

Chighichilai kemi ye Ampeu zülo aphikümqhüpue, ikemu tukutiye küha kemi küxü ye Pa züküvüpu ke.

AHOLE 12:22

Akimki mili ye Ampeu zülo aphikümqhüpu ikemu pükhükulupu shiche kemi shou Pa mlokiqi acheni.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

AHOLE 9:12

Nono alotsü aye o likhi o ghenguno ameküapu, nono küthakügha shi aye o likhi o makhoae.

MALAKI 2:17

Nongu no nongu tsa vecheo Ampeu lokümghavae. Ikemu nongu no pi, “Ningu ye kishi Pa lokümghave kea?” “Khukhumu küsakügha shikeu ye Ampeu nhethe lo akivi ke eno Pa ye tipaqo lo aloqi cheni, ipikeu lono ke.” Momu “Achipiu xakütha Lhou ye khile ani kea?” ipikeu lono ke.

Apostolmi 24:16

Ikehu ni ye alhokuthu Alhou eno timi zülo I lolo kiviküsa lotsü tsüghükhüi qhinike pükapütsa cheni.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.