JOB 22:29 - Sumi Naga CL (Re-edited) Bible (BSI)

²⁹ Timi sünheqhi kelo nono picheni, ‘Ti ye aqheküza ghengunoe’, ikemu Pa ye aqhokighemi xalu chenie.

BAIBEL (BSI)

²⁹ Ikemu Alhou no aqhekuzami sunhe qhive nani eno akumtsha akughuvu mi xalu nani.

JOB 22:29 Mawu Ofanana

JOB 36:7

Pa ye amikuchomi launo Pa nhethi sükiqeve chemoe, ikemu alhokupuju ghenguno Pa no panoqo süsü no kükami gholo iqa no ayepe eno sheqhe achenipe.

JOB 5:11

Pa no akuchunimi pesü akuchuqu lo süqhe cheni, eno akumlomi sükusho tsücheni.

LESHELE 138:6

Kughengu Ampeu ye qhemghai animu aqhokighemi kihi acheni, ikemu aqheküzami ye Pa no putou no ithi acheni.

AHOLE 29:23

Milakhi qheküza no pa sünheqhi pe kuchunive cheni, ikemu amlo lo mtshaivü kemi ye agigihupu ithulu nani.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

MATTHEW 23:12

Khunono alikhi ampi süqheni keno kuchunive nani, eno alikhi ampi kuchuni kemi süqhe nani.

Luke 1:52

Pa no akumtomi pano kükalakhü lono sünheqhive no akuchuni-a lo akemi süqhevae;

Luke 14:11

Kughengu alikhi asüqhe kemi kümtsü kuchunive nani, eno alikhi ampi kuchuni keu süqhe nani.”

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”