JOB 22:13 - Sumi Naga CL (Re-edited) Bible (BSI)

¹³ Ikeghi nono picheni, ‘Alhou no kiu ithi ani kea? Pa ye aküzü kutho vexü ipe küghathabe luni keshea?

BAIBEL (BSI)

¹³ Ikeghi nono pikeu no, “Alhou no kiu ithi ani kya? Paye akuzu kutho vechewo ni shou kughathabeluni kesha?

JOB 22:13 Mawu Ofanana

JOB 34:22

Alhoksa kümlami no itshülu kepu-a züchiyi keu momu aküzü kutho khilehi mu kühae.

LESHELE 10:11

Pa mlo lono picheni, “Alhou ye kümsümavae, Pa ye Pa gi küsüvae, eno khilemu ithulu moae.”

LESHELE 139:11

Tsala I no, “Mtsüqhei aküzü no I küzüluve nani, eno aküvü no I bothape aküzü shive nani” ipi aye

LESHELE 139:7

O Ghungu launo ni ye khilau wuluni kea? Momu O zülono ni ye khilau pokulupu kea?

LESHELE 59:7

Panongu ye hule ani, pano kichi lono ghubolei igha ani panoqo mütsü lo azütakikihi ani— kughengu panongu no kümsü, “Khuu no ni tsa chiluni kea?”

LESHELE 64:5

Panongu no kixikila kukughu lo mtotoi tsüqüpe ngoe; panongu no tuqhou no alichhe qhiniye küptsa eno ishi kümsü, “Khuu no panoqo ithuluni kea?”

LESHELE 73:11

Panongu no pi, “Alhou ye kishi no ithini kea? Shishe Akiqheu ye akighithi ani keshea?”

ISAIAH 29:15

Ampeu launo nongu kukughu küsüpe aküzü lo qhive no, “Khuu no ningu ithulu ani kea? Khuu no ningu ithi ani kea?” ipiche kemi haküsapue!

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

EZEKEL 8:12

Tithiu Pa no I vilo pi, “Timi nu, Israel lagha lo layemi no ajutho akeu chebo lo pütüta shelo aküzü lono kiu shi ani keno no ye ithulu akema? Kughengu panongu no pie, ‘Ampeu ye ningu ithulu amoe, Ampeu ye ayeghi hipau phevae.’”

EZEKEL 9:9

Tile Pa no I vilo pi, “Israel ngo Judah laghami kipimi ye shishe kije ke. Ayeghi hipau ye aji no chhitoivae, eno mishighüna ye achipikumo kümla no chhitoivae. Kughengu panongu no pi, ‘Ampeu ye ayeghi hipau phevae, eno Ampeu ye ithulu amoe.’

AMUS 9:2

“Panongu no ala chhusü Kithigha lo iqive namu, tilauno I u no küghaluve nani; panongu no atsütsü lo ikuvemu, tilauno I no saiqighive nani.

AMUS 9:3

Panongu no Carmel toghi lo itshüuve namu, tilauno I no panoqo phuwu no küghaluve nani; panongu no I nhethe lono itshüsü azüghi polalo iqive namu, I no tilau apighi azah tsüno panongu mighipe nani.

ZEFANIA 1:12

Tipa ghuloki lo I no akulu pesü Jerusalem phuju nani, eno khunono akuchhoma shini, eno amlo lono, ‘Ampeu ye akivi mu alhoksa mu shimo nani’ ipini keno I no panoqo ghime nani,