JOB 12:13 - Sumi Naga CL (Re-edited) Bible (BSI)

¹³ “Alhou gholo alokütsü ngo akumto ani, Pa ye mijekütsü ngo vethakulu ghi ani.

BAIBEL (BSI)

¹³ Ikemu alokutsu ngo akuka ye Alhou wuke, tsaqutsalei keu ngo shitsashikeu anie.

JOB 12:13 Mawu Ofanana

JOB 11:6

Pa ye küsü püakeu lokütsü tsaqo pesü o vilo piniche! Kughengu Pa lokütsü ye aghola kütüta acheni. Ikehu Alhou ye o xine jume nguno akimkheu betsü anie.

JOB 12:16

Akükakumto ngo mtsümishei keu lokütsü ye Pa gholo ani; pishiqhive kemi ngo pishikiqhimi pamagha Paw ke.

JOB 26:12

Pa küka pesü Pa no azüghi ghasüve; eno Pa lokütsü pesü Rahab kütsave.

JOB 36:5

“Julo, Alhou ye akumto eno khumu jukünatha chemoe; Paw vethakulu ye mtotoi ke.

JOB 38:36

Khuu no aqho lo alokütsü sütsü, momu akükümsü lo vethakulu sütsü kea?

JOB 9:4

Pa ye alokütsü eno aküka kughushu ke khuu no Pa mjochile no toluve akea?

LESHELE 147:5

Ampeu ye kije, eno akughushu küka ani; Paw vethakulu ye mighi khamlae.

AHOLE 8:14

Ni ye mtsümishei keu lokütsü pesü ala kichetsü cheni; ni ye kuthoküzü kighithi ani; ni ye akumto ani.

ISAIAH 31:2

Tishimu Pau no alokütsüu kehu küsakusho süghive cheni; Pa ye Pa tsa süchile chemo eno küsaküghami ngo pano kuphu chekemi mjochile ithughi cheni.

ISAIAH 46:10

I no abothu lono ashekha vehu sheshue, mulho lono shikupu mphikeu tsa ishi piqhi püani, ‘I kimji kupulo ye mtotoi ani, eno I no I kukughu kümtsü shikupu nani.’

JEREMIYA 10:12

Alhou no Pa küka lono ayeghi lhoe, Pa lokütsü lono ayeghiqha kughuphe, eno Paw vethakulu lono atsütsü qhawo ke.

DANIEL 2:20

Daniel no khochile no pi: “Alholo eno pülhapuju Alhou je sheqhelo, alokütsü eno akumto ye Paw.

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

Rommi 11:34

“Kughengu khuu no Ampeu kükümsü ithiju, momu Pa mijekütsüu shiju kea?”

1 Kor. 1:24

ikemu khunoqo kuluve akeno, Jewmi na Greekmi namu, panongu ghengu ye Khristo no Alhou küka eno alokütsü ke.

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

Ephesiami 1:8

Pa no alokütsü ngo kuthoküzü kighithi gholono ningu shou küpükini lepuku tsüno

Kolosiami 2:3

Khristo lau alokütsü eno akighithi kini khuki kümtsü küsüpe püani.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.