JEREMIYA 21:6 - Sumi Naga CL (Re-edited) Bible (BSI)

⁶ I no mishighüna hipau lo küxümi, timi eno tüghashi kütsale nani. Panongu ye püsa kije lono thive nani.

BAIBEL (BSI)

⁶ Hipau phughilo xuakemi kumtsu ino pithikhave nani, timi pina tikishi lhoxu namu akusu lhoksa lono thive nani.

JEREMIYA 21:6 Mawu Ofanana

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 16:4

Panongu ye akithipu küsü lono thinani. Panongu kümsü qamo eno shiqhomo nani. Panongu ye ayeghi lo tübatüzü toi nani, azütakikihi ngo akhüava lono pühave nani, eno pano kumo ye aghau ngo tüghashiqo chuqupu shinani.

JEREMIYA 20:4

Ampeu no ishi piani: Julo, no eno o küsami ghenguno I no akümsapu shitsüni. Nono ju aphi lono panongu ye aghümi zütakikihi lono ikiqive nani. Judah ye qhoi Babylon kükau u lo süvetsü nani. Pa no panoqo akughumi shi sasü Babylon lo wuve nani eno azütakikihi no panongu ghiqhive nani

JEREMIYA 32:24

Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 33:12

“Aqokitikhi MPEU no ishi piani: Timi na tüghashi namu kühano pighive keu-a hipau lo, eno mishighüna kümtsü lo itaghi ambekhemi no küghüna no ambe loji kulhoqhi tsü nani.

JEREMIYA 34:17

“Tighenguno Ampeu no ishi piani: No ye I gholu ghi athiküzümi eno akisüghümi lau kuqhokiphe pikülha move; julo, I no azütakikihi, püsa, eno püqümiye lono ikiqiveni keu kuqhokiphe pesü o kütüghü ani, ipi Ampeu no sheshu. I no o pesü ayeghi lo kükaqha kümtsü lau kümsapu shitsü nani.

JEREMIYA 36:29

Judah kükau Jehoiakim vilo pilo, ‘Ampeu no ishi piani, Nono ishi pipüzü liküküzü kaku hipau pitivae, “No ye kushiye tipau lo Babylon kükau no mtsüqhei ighi no ayeghi hipau kütsave nani eno timi ngo tüghashi pühave tsü nanie pi yepuku kea?”

JEREMIYA 42:22

Tighenguno mtsüqheino ithilo, nongu no khuno ghakhu lo wunishi ani keno, tilau no azütakikihi, püqümiye, eno püsa lono thive nani.”

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

EZEKEL 12:16

Ikemu I no panoqo dolo khami ye azütakikihi, püqümiye eno püsa lono pojo lupe nani, tishikeu lono panongu no panow aphikümqhüpu pesü shiye khunoqo lau wu keno tipaqo lau asheshu nani, ti ye Ni ye Ampeu kepi ithi peniye ke.”

EZEKEL 14:13

“Timi nu, kughou aküpülü küküha kümla vecheo ayeghi no I hebide ghi axine shini keno, I no tipau lachile ghi I u süqhe nani eno tipau lo chuqu-kusho süghi chekeu lakhave tsüno püqümiye puwu nani, eno tipau lono timi eno tüghashi pithive nani,

EZEKEL 14:17

“Momu I no ayeghi tipau shou azütakikihi süghi no, azütakikihi no ayeghi hipau kathawu pelo, eno I no tile timi ngo tüghashi ghiqhive tsüniye shi aye,

EZEKEL 14:19

“Momu I no ayeghi tipau lo timi eno tüghashi ghiqhiveni ye püsa puwu eno I loghu pephe no tipau shou aji pele aye,

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 33:27

Panoqo vilo hi pilo, Ampeu Alhou no ishi piani: I no xü aketoi, mtsüqheino khunoqo no kütsakungo keu-a lo küghüna ani keno azütakikihi lono ikiqi nani, khunono aluza lo ani keno I no tüghashiqo pelo tsüchuve penike tsüve nani, khunono sükusho-a eno atuki lo ani keno püsa lono thive nani.

EZEKEL 33:29

Kughou panoqow aphikümqhüpu ghenguno I no ayeghi pesü küghüküghaleive tsüni keno tileno panongu no Ni ye Ampeu kepi ithi nani.

EZEKEL 7:15

Azütakikihi ye ashou ani; püsa ngo püqümiye no alou ani. Khuu no aluza lo ani keno azütakikihi lono thive nani, eno khuu no mishighüna lo ani keno püqümiye ngo püsa no munove nani.

HOSIYA 4:3

Tighenguno ayeghi no mloqa, tile küxümi kümtsü no iju ani, aghasa lo tüghashi ngo atsütsü lo aghauqo eno azüghi lo akhaqou ghi haukhavae.

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.

ZEFANIA 1:3

“I no timi eno tüghashi jole nani; I no atsütsü lo aghauqo eno azüghi lo akhaqo jole nani, I no kixikilami püxakulu nani. I no ayeghi lono timiqo kütsave nani,” Ampeu no pivae.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.