James 5:10 - Sumi Naga CL (Re-edited) Bible (BSI)

¹⁰ Athiküzümiqo, aghime lo kheakulu shinike kichekipiye shi tungkupmi khunoqo Ampeu je lono piche keno, panongu kümsülu lo.

BAIBEL (BSI)

¹⁰ Athikuzumiqo, tungkupmi khunoqono Ampeu jelono piche keno panoqo kumsululo eno panonguye kishi aghimeshi kheakulu shi chekeno tipau pesu kichekipiye shilulo.

Sümi Tiqhelimi Bible

¹⁰ Athiküzümi eno achelimiqo, tungkupumi khunoqo no Ampeu je lono asheshu keno tipaqo pesü kiche-kipiye shi ikhilu no aghime gizülo kutuukulu shilo.

James 5:10 Mawu Ofanana

YEKIKITHI AKINIU 36:16

Ikemu panongu no Alhou tsapemi thaigha, eno Ampeu loghu no panongu shou ikughi moke kutolo eno ti küghüqü luni keu kühave moke kutolo, Pa tsa jukünatha eno Paw tungkupmi junuqhi ke.

ISAIAH 39:8

Tileno Hezekiah no Isaiah vilo pi, “Nono Ampeu tsa pive keu ye akivipue.” Kughengu pa no ishi kümsü, “I küxü tivilo ye iqüghaikeu ngo süshokulu aniae.”

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

JEREMIYA 23:22

Ikemu panongu no I hoho lo puthugho ke aye, panongu ye I tsa pesü Iw timiqo vilo pikülha luniche, eno pano kümla lhoksa lono sachile süghi luni cheke.

JEREMIYA 26:16

Tileno hiyampemi ngo timiqo no achinemi eno tungkupmi vilo pi, “Timi hipau ye thive kepu aküzüpu kumoe, kughengu pa no Ampeu ni Lhou je lono ningu vilo pivae.”

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

Luke 6:23

Tipa tsala lo alovi eno alokivi shi ilhelo, kughengu kungugha lo nongu jume ye kije ani. Pano puasüqo no titoi tungkupmi peitha püsa cheke.

Apostolmi 3:21

Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

Apostolmi 7:52

No puasü no kijipüsa mokeu tungkupmi khunoqo ani kea? Amikuchou chenie pi azünatha pitsü kemi panongu no pithive. Eno ishi ye nongu no pa thechuve no heqhive,

IBRIMI 13:7

Now sakiphemi khunono Alhou tsa pesü nongu vilo piche keno tipaqo kümsü lulo. Pano xüghola kümsü kutoju no pano küpülü papelo.

James 4:11

Athiküzümiqo, lakhi no lakhi lau alhoksa pi kevilo. Athiküzümi lau alhoksa pi momu küghathabe kemi ye ayezah shou alhoksa pi ani eno ayezah shou küghathabe ani. Nono Ayezah shou küghathabe aye, no ye ayezah pelu kemi kumono küghaküthau shi auvae.

James 5:13

Nongu gholo khuana no shilusa anio? Pa ye inikhu lo. Khuana no alovi ani keshea? Pa ye shekiqhe le phelo.

James 5:7

Ikehu athiküzümiqo, Ampeu ighi moke kutolo kheakulu shilo. Alukichimi no kishi alu lo akughupu xathi ipeghi peniye tsütsüghu atüghüu ngo ashekhau ithumlake kutolo kheakulu shicheni keno ithilo.

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.