James 3:15 - Sumi Naga CL (Re-edited) Bible (BSI)

¹⁵ Tikithipu lokütsü ye kungugha lono iqighi keu kumoe ikemu ti ye ayeghilo, aghungu küküha eno tüghaküsapu ke.

BAIBEL (BSI)

¹⁵ Tikithipu lokutsuye kungugha launo ighikeu kumoe; tiye ayeghiqha lowuke, tiye nguka ngugha ke eno tughakusapuke.

Sümi Tiqhelimi Bible

¹⁵ Titoi keu “lokütsü” ye kungugha lono iqighi chemoe ikemu ayeghilow ke, tiye akimthe kumo eno tüghaküsa ghawu lau no ke.

James 3:15 Mawu Ofanana

SAMUEL AKINIU 13:3

Amnon no aküsau lakhi ache, pa je Jonadab, pa ye David thiküzüu Shimeah nu ke. Jonadab ye ighono mqümghami lakhi.

SAMUEL AKINIU 15:31

David vilo ishi pi, “Ahithophel ye Absalom sasü küsüqe akemi gholo anie.” David no pi, “O Ampeu, kimiyeno Ahithophel mijekütsü ye mbomzü shive pelo.”

SAMUEL AKINIU 16:23

Tipa ghuloki lo Ahithophel no akükümsü tsükeu ye Alhou tsa kighini kileju aketoi kihi che; ikehu David eno Absalom ghi Ahithophel kükümsü kümtsü gihu cheke.

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

Luke 16:8

Hekujuu no hitoi amqükini shike ghenguno pa mpeu no akishe tsüe. Kughengu hipa yeghi lomiu no aküvü lo akemi nguno alau amqükini shi pano toi kemi peitha cheni.

John 3:17

Kughengu Alhou ye ayeghi lomi shou küghathabeni ye Pa Nu puwuke kumoe, ikemu Pa vecheo ayeghi lomi xalu niye ke.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

Apostolmi 13:10

eno pi, “No tüghami nu, akimki eno pishikiqhi no chhitoi xapusü amikucho ghümi shiche keu, no ye Ampeu laghi kümzü shichighi keu lono tavemo kea?

Rommi 1:22

Alokütsümie pi pükha ghi panongu ye mbomzümi ilhouve,

1 Kor. 1:27

Ikemu alokütsümi shikujo niye Alhou no ayeghi lo kiu no mbomzü keno ti kishelu; eno akumtomi shikujo niye Alhou no ayeghi lo kiu no miqemlei keno ti kishelue.

1 Kor. 2:14

Ashilo küxümi ye Alhou Ghungu launo ighikeu ikhilu chemoe, kughengu ti ye pa ghenguno mbomzü ke, eno tipaqo ye aghungu lono kimchilu cheni kehu pa ye tipaqo vethalu chemoe.

1 Kor. 3:19

Kughengu Alhou züloye hipa yeghi lo lokütsü ye mbomzüe. Kughengu ishi yepüani, “Pa no alokütsümi pano mqükini lono meluve cheni,”

1 Kor. 3:3

kughengu nongu ye ashi lono xüaphi ke. Nongu gholo anhekushu eno mtomshu akelo ti ye ashi eno ayeghi gholau no xü aphike kumo?

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

2 Kor. 11:3

Ikemu apighi no mqümgha shino Eve pishiqhive ketoi nongu kükümsü ghi mtsümishei eno tsaqütsalei Khristo lau amlotsü chekeu lono saküghüzüve nosake ni ye msa ani.

FILIPIAMI 3:19

Panongu ye kütsakungo keu no asheho nani, panongu kive huno pano lhou, eno ayeghi lo thime shou kümsü puku anipi panongu ye akukujopu pesü akijivile cheni.

2 Thes. 2:9

Ayezah heküxau ikighi ye Satan kümla lono ke, pa no aküka, eno kichile michipu ngo akichiqhipu kümla peitha nani,

1 Tim. 4:1

Aghungu no mtsüqhei pikeu no hithiu timi khami ye pishikiqhi ghawuqo tsa ini eno tüghami shiküka lo amlo tsüuve keu lono aküpülü pheve nani.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

Jude 1:19

Ayeghi küxü lo amlo kütsümi, Aghungu Kimthe küha kemi hipaqo no kijetha keu süghi cheni.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 2:24

Ikemu nongu kütami Thyatira lo akeqo thaqhü, khunono hipau kükütsü pape chemo, eno Satanw kuthoküzü kükütsü ikhilu mphi keno, I no nongu vilo piani, Ni ye kütau makho kiumu nongu xapipe amoe.

Piyeküsü 9:11

Akuthoku lo kungumi akeu huno panongu shou akükau shiae. Hebrew tsau pa je ye Abaddon, eno Greek lo ye Apollyon ke.