James 2:19 - Sumi Naga CL (Re-edited) Bible (BSI)

¹⁹ Alhou ye lakhi likhi kepi nono pülü cheni; ti ye aloe. Tüghamiu ghi pülü cheni—eno khokhoshi msa cheni.

BAIBEL (BSI)

¹⁹ Alhou ye lakhi likhi ani kepi nono pulu cheni, tiye alo anie! Tughami ghi pulu acheni eno akumsano khokhoshi cheni.

Sümi Tiqhelimi Bible

¹⁹ Nongu no Alhou lakhi ani kepi pülü cheni. Aloe! Tüghaküsaqo kutólo tipau pülü chenie—eno msàkhokhoi chenie.

James 2:19 Mawu Ofanana

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 45:6

tishianguno kipelau no kulolau kutolo I nguno kütami ye khumu küha kepi timiqo pelo ithi peniye ke; Ni ye Ampeu, eno kütami ye khumu kühae.

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.

JONAH 4:4

Eno Ampeu no pi, “No ye amloide küzüpu kiu ani kea?”

JONAH 4:9

Ikemu Alhou no Jonah vilo pi, “No ye atsünibo ghenguno amloide akepu keshea?” Pa no pi, “Iyei, ni ye amloide akeu pavie, thiveni keu mlokighide pavie.”

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

MATTHEW 8:29

Paikhavi pama no igha thuve, “O Alhou Nu, no ye ni lau kiu shikepu ani kea? Ado tomphi lono no ye ni ghimeni ke ighive akeshea?”

Mark 1:24

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu ke.”

Mark 12:29

Jisü no khochile, “Kümtsü nguno akhotou ye, ‘Inilo, O Israel: Ampeu ni Lhou, Ampeu ye lakhi.

Mark 5:7

Eno asütsa kuloghi lono ighamku pi, “O Shishe Akiqheu Alhou Nu Jisü, no ye I lau kiu shikepu ani kea? I no Alhou je lono o qhüiniju ani, I ghime tsü kevilo.”

Mark 7:9

Panongu vilo pa no pi, “Nongu ye no khuaye iqhi kumtoni ke ghenguno mqüijoi Alhou zakütsü kileve cheni!

Luke 4:34

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu.”

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Apostolmi 16:17

Li no Paul ngo ningu papesü ighamku, “Timi hipaqo ye shishe Akiqheu Lhou qemie, panongu no nongu lau xakulupu laghi sheshu ani.”

Apostolmi 19:15

Ikemu tüghaküsa ghungu no panoqo khochile, “I no Jisü ithi ani, eno Paul ghi ithi ani, ikemu nongu ye khuno kea?”

Apostolmi 24:25

Pa no amikucho, alikhi aghasükulu, eno küghakütha chekeu vehu apasü shi lhewo kelo, Felix ye thüghüive no pi, “Hi no tave aghilo, kughou adokivi ithuluni keno I no o ku puwuni.”

Rommi 3:30

kughengu Alhou ye lakhi likhi keke—Pa no aphighüyiko ghave kemi lau pano küpülü pesü achipiu shitsü nani, eno aphighüyiko ghamo kemi no aküpülü vecheo achipiu shitsü nani.

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

1 Kor. 8:6

ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

Galatiami 3:20

Lacheu huye amqo lakhi sala likhi kumoe, ikemu Alhou ye lakhie.

ZAKINIU 6:4

“O Israel, hi inilo: Ampeu ni Lhou likhi no Alhou ke!

1 Tim. 2:5

Kughengu Alhou ye lakhi likhi eno Alhou ngo timi dolo alakishiu lakhi ani ke, ti ye timi, Khristo Jisü ke,

James 2:8

Nongu no akükau yezah khikhi Kuchoyesü lo, “No ye o likhi o toi o kisüghüu kimiye lo,” ipikeu shikupulu aye, nongu ye achipiu shi ani.

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Jude 1:6

Eno kungumi khunono pano kungo-a kuchou qhive no kükagha peitha move keno, küghakütha tsala kije ighi moke kutolo, Pa no aküzü kutho lo lhokta yikichhe pesü tipaqo tshüpe qhivae.

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.