James 1:3 - Sumi Naga CL (Re-edited) Bible (BSI)

³ kughengu nongu küpülü pekuju lono tsaqütsalei keu ipeghi cheni kepi nongu no ithi ani.

BAIBEL (BSI)

³ kughengu nongu kupulu pejukeu lono tsaqutsaleyi keu ipeghi chenikepi nonguno ithi ani.

Sümi Tiqhelimi Bible

³ kughengu nongu küpülü peju keu no tsükhoi keu iqiphe chekeu nongu no ithi anike.

James 1:3 Mawu Ofanana

Luke 21:19

Nongu no kutuu puqhelu keu lono nongu ye aküxü achili shilu nani.

Rommi 15:4

Khaghi ghuloki lono kiu yepe qhive keno ti ye ishi ningu qoputhu niye ke, tishianguno Kuchoyesü lo kheakulu eno shikumtokütsü vecheo ningu pelo lajupu apeniye ke.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 8:25

Ikemu ningu no ithumla no akeu lajuqhiyi cheghi aye, ningu ye kheakulu shi tipau huqhe acheni.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

2 Thes. 1:4

Tighenguno nongu kijipüsa eno shikighime keu kümtsü lo nongu no aküpülü itha mono kutuulu keu pesü ningu no Alhou kukuhouqo lo ni qheküzapu shi picheni.

2 Thes. 3:5

Alhouw kikimiye eno Khristow kutuukulu lo Ampeu no nongu mlo kiche sawu peniu.

IBRIMI 10:36

Nongu ye kheakulu shimasa ani, tishianguno kughou nongu no Alhou pulou shiluni keno Pa no piqhi püakeu ithulu nani.

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

IBRIMI 6:12

tishianguno nongu ye qeinaive mono khunono aküpülü eno kheakulu vecheo pikiqhitsa ighilu keno tipaqo kimihi shilu peniye ke.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

2 Peter 1:6

akighithi gholo alikhi aghasükulu pesü veqalo, eno alikhi aghasükulu gholo kushuo puqhekulu pesü veqalo, kushuo puqhekulu gholo Alhou ithitoi keu pesü veqalo,