James 1:10 - Sumi Naga CL (Re-edited) Bible (BSI)

¹⁰ eno kinimiu ghi pa shikuchuni keu lo akijivile masae, kughengu pa ye atsünikupu toi hauve nani.

BAIBEL (BSI)

¹⁰ kinimi athikuzuu ghi Alhou no pa shikuchu nikeulo akijivi pelo, kughengu tsunikupu toi paye hauve nani.

Sümi Tiqhelimi Bible

¹⁰ Ikemu kiními ye panongu pelo kuchunu pe keu lo qheza moayesa—kughengu panongu ye aghasa lo xamunu lakhi toi hauve nani.

James 1:10 Mawu Ofanana

JOB 14:2

Pa ye axamunu toi pu ipeghi no ighiqive cheni, ngopushu mono yekükhü toi hauve cheni.

LESHELE 102:11

I küxü ye avela yekükhü toivae; ni ye asütsüni thizümüive ke toivae.

LESHELE 103:15

Timi ghenguno pa küxü ye asütsüni paphi ke, pa ye aluza lo axamunu lakhi toi azünihoi thuwu acheni;

LESHELE 37:2

Kughengu panongu ye atsaneghu toi paikhavi hauve nani eno atsüni toi ighüive nani.

LESHELE 39:6

Mtsüqheino timi ye yekükhü toi wove cheni! Mtsüqheino ala küha keu lono panongu ye ime acheni; timi no akini pekütsü anamu khuu no luve nani keno mthae!

ISAIAH 40:6

Asütsa lakhino pi, “Sheshulo!” I no pi, “Kiu tsa sheshuni kea?” Timi kümtsü atsüni ke, panow jukivi ye agha lo xamunu toike.

ISAIAH 40:7

Kughou Ampeu no tipaqo shou fupukuni keno, atsüni no ighüive, axamunu no hailove cheni; kuchou no timi ye atsüni ke.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

MATTHEW 5:3

“Aghungu lo kumlhomi shikemi kümghapue, kughengu kungugha yekipe ye panow ke.

MATTHEW 6:30

Tsala alupi ishi ye xüa no thoghiu ye nhüpe ami lo vesüveni keu thotsü Alhou no jukivi shi tucho cheghi aye, Pa ye tinguno alau nongu tucho nani, O nongu aküpülü mikhelo keqo.

1 Kor. 7:31

eno ayeghiqha peitha akemi no kiumu kütshükime küha ketoi lo. Kughengu itehi akeu yeghiqha kogheküghü ye küha wocheae.

FILIPIAMI 3:8

Kuchou loye I Mpeu Khristo Jisü ithive keu meküapu no thokha shoqa luve keu lono ni ye kütau thime ye qhoi avehu küha kepi kihivae. Pa je ghenguno ni ye thime kümtsü phevae, eno tipaqo ye tübatüzü shivae, tishianguno Khristo pesü I la shilu

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

James 4:14

Kughengu thoghiu ye kiu shive nani keno nongu ye mtha aphie. Nongu küxü ye kiu kea? Kughengu nongu ye akimhi no ado kitila ipeghi no pai hauve ketoi ke.

1 Peter 1:24

kughengu “Timi kümtsü atsüni toi, eno pano jekipi huno atsüni kupu toike. Atsüni no ighüive cheni, eno akupu no ighiqive cheni,

1 John 2:17

Ayeghiqha ye akiminepu jeli gholono wove cheae, ikemu khunono Alhou lopu shikeno alholo acheni.