ISAIAH 66:16 - Sumi Naga CL (Re-edited) Bible (BSI)

¹⁶ Kughengu Ami ngo azütakikihi vecheo, Pa no timi kümtsü shou küghathabe nani, eno Ampeu no kutomo pithive nani.”

BAIBEL (BSI)

¹⁶ Ami ngo azuta kihi pesu ayeghiqhalo kuqupuaghive kemiqo ghimeqhi nani eno timi kutomo pithive nani.

ISAIAH 66:16 Mawu Ofanana

ISAIAH 10:4

Akughumi gholo sünhe sawumo aye pithive kemi gholo ikiqi nani. Ikeghi Ampeu loghu ye tave mphi eno Pa u ye xachhope aphike.

ISAIAH 27:1

Tipa ghuloki lo Ampeu no Pa zütakikihi kütsügha, akuloghi eno mtotoi keu pesü hechije chekeu, itikiche pighi, Leviathan ghime eno ti azüghi lo achekeu ghawu ghiqhive nani.

ISAIAH 3:13

Ampeu no atsa kügha niye Pa-a lo ngovae; Pa ye timiqo shou küghathani ke puthugho ani.

ISAIAH 30:30

Ampeu no timiqo pelo Pa sütsa kümgha chilupe nani, eno Pa xukighide lono amiküqü, tsütsüpha tsütsüghu, pasapagha eno mürasü piqi keu ithulupe nani.

ISAIAH 31:8

“Eno Assyria ye timiw kumokeu zütakikihi lono ikiqi thive nani; ghüshimi no aghü zülono pove nani, lhothemi ye aqüaxe lo süve nani.

ISAIAH 34:2

Kughengu Ampeu ye shiyeqo eno pano ghüshimi kümtsü shou axuide ani, Pa no tipaqo kütsave penike ikhipe tsüvae.

ISAIAH 65:12

I no nongu pesü azütakikihi tsüve nani, eno nongu kümtsü no hekiqhiu zülo pishiqho nani, kughengu I no nongu kukelo, nongu no khochile moe, I no nongu pütsa kelo, nongu no ini tsümoe, ikemu nongu no kiu no I nhethe lo axine keno ti shike eno I no pulomo keu kishelu ke.”

JEREMIYA 25:31

Akumqhu no ayeghi shekha kutolo veküva nani, kughengu Ampeu no shiyeqo akipimi tsü nani; Pa ye lhoxü kümtsü shou küghathabeni cheni, kixikilami ye ghiqhive nani, ipi Ampeu no sheshu.’

JEREMIYA 25:33

“Tipa ghuloki lo Ampeu no heqhive kemi ayeghi shekha lono ashekha kutolo pekishe wonani. Panongu kümsü qamo, kumqomo, momu akumo shiqhomo nani, panongu ye tübatüzü toi ayeghi lo anani.

JEREMIYA 45:5

No ye o ghenguno akümzapu thime phucheni keshea? Ti phu kevilo, kughengu I no küxümi kümtsü shou kütsakungo keu süghini cheni ikemu no ye nono khile khile wunamu I no asaxü kumlhoshi o küxü süshotsü nani, Ampeu no sheshu ani.”

JEREMIYA 46:15

Kushiye no ghütomi ye agi pishiqhope ani kea? Ampeu no panoqo hekuluve kehu panoqo ye puthugho amoe.

EZEKEL 28:18

O xine kütsasa, ow kilhisho mikuchokumo vecheo nono o kimthe-aqo shikitiqe ke; ikehu I no ami pesü o lau ighi; tino o pitiqhive, eno no ithulu akemi kümtsü nhethe lono I no o pesü ayevu kughulhove.

EZEKEL 38:17

“Ampeu Alhou no ishi piani: No ye khuu I no khaghi I qemi Israel lo tungkupmi vecheo pipüa keno tihuke kumo? Tipa ghuloki lo panongu no I no o sawo Israel lepe nani kepi ampe kutomo tungkuptsa piche.

EZEKEL 5:15

Nongu homxape akeu shiye kümtsü zülo nongu ye atichepu eno thoküghapu, ghutu keu eno msaichi kepu lakhi shive nani, axukighide, amlokighide lono I no aghime nongu shou be nani, Ni ye Ampeu ke; I no piqhivae,

JOYIL 3:2

shiye kümtsü I no hekütsü sasü Jehoshaphat Khila lo ighi nani. Eno tilauno I no Iw timi eno I mheghi Israelmi züqhushi panoqo shou küghathabe nani, kughengu panongu no I timi pesü shiyeqo dolo hakiphive tsüno I yeghi kijetha luve,

AMUS 7:4

Ampeu Alhou no kiu I piye keno hike: julo, Ampeu Alhou no ami pesü küghakütha shiniye kusü ae, eno ami no akuthoku kije eno ayeghiqha pitile ae.

NAHUM 3:15

Tilauno ami no o pitiqhive nani; azütakikihi no o micheve nani. Tino tülhaqu toi o munove nani. Tülhaqu toi eno atikha toi nongu likhi nongu kughuko lo!

NAHUM 3:3

Khurshimi no kite, azütakikihi eno angu no kulo phaphashi, ghiqhive kemi no aqokitikhi jehi, akumo no amoqhe, akithi kumo no ashekha kühae— timiqo no akumo küpxalu!

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.