ISAIAH 65:7 - Sumi Naga CL (Re-edited) Bible (BSI)

⁷ Ti ye nongu xine ngo nongu puasüqo xine ishi lochiletsü nani, ipi Ampeu no piani; kughengu panongu no naghutoqo lono akümllagho tsüke eno atoghiqo lono I thaigha ke, I no pano lukobo lo wovekeu lo pano xine mighi püzü lepukutsü nani.

BAIBEL (BSI)

⁷ Panonguno tughachine naghutolo tsungquikeu ta piti kumna cheni eno ilhoksa picheni. Tighenguno wovekeulo panonguno mlapuakeu qhemi niye panoqo ghimeqhi nani.”

ISAIAH 65:7 Mawu Ofanana

KUKAMI ATUGHIU 22:43

Pa ye pa pu Asa no shikeu kümla kümtsü shino Ampeu zülo kiu no achipi keno ti likhi shike, tipau lono tsüghüve moe. Ikemu qhemghai ke-a ye hephomo eno timiqo ye tipaqo lono aghashi eno akümllagho pesü tsüche.

KUKAMI ATUGHIU 22:44

Jehoshaphat no Israel kükau ghi sasü külashie.

KUKAMI AKINIU 12:3

Tishimu qhemghaike-aqo ye ikhive moe; ikehu timiqo ye tipaqo lono ishokibe aghashi eno akümllagho tsüche.

KUKAMI AKINIU 14:4

Ikemu qhemghaike-aqo ikhimoe; ikehu timiqo ye tipaqo lono aghakishi ngo akümllagho tsüche.

KUKAMI AKINIU 15:35

Ikeghi qhemghaike-a ye ikhive moe; ikehu timiqo ye tipaqo lono aghashi eno akümllagho tsüche. Ampeu kilo khagho kunguu ye pa no mlae.

KUKAMI AKINIU 16:4

Pa no qhemghaike-a, atoghi, eno asübo kicheqho kümtsü lono aghakishi ngo akümllagho pesü mllae.

YEKIKITHI AKINIU 21:11

Tinguno alau, pa no Judah lo ato yeghi lo qhemghaike-a mla eno Jerusalem lo xüküami sasü axine lo ilove no Judah pelo tsüghüve peke.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 22:14

Aqokitikhi MPEU ampi no I kini lo pisüvae, “Mtsüqheino nongu no thimoke kutolo hipau xine peve tsümo nani.”

ISAIAH 26:21

Kughengu julo, ayeghi lo küami xine ghenguno panoqo ghime nike Ampeu ye Pa kungo-a qhive no ipecheae, ayeghi no pa shou aji pele püakeu, eno chhuqho püakemi küsü mono lhaphevetsü nani.

ISAIAH 28:21

Perazim Toghi, Gibeon Khila lo toi Ampeu no paküta keu eno thosülo shichemo keu kümla shinike axuide ithughi nani!

ISAIAH 29:14

tighenguno julo, I no itaghi timi hipaqo lau ishokibe akichiqhipu kümla shini; eno panongu gholo alokütsümi lokütsü pühave tsüni, vethakulumi lotsü küsüve tsüni.”

ISAIAH 3:11

Kixikilami hasapue! Pa sala aghime anani, kughengu pa no shike toi pa lau shitsü nani.

ISAIAH 30:13

qhemghai keu tupi ipo ipeghi no züleno ilaqighive keshi nongu lau hipau xine no titoi ighi nani;

ISAIAH 30:14

tino ilaqi keu ye ayeghi li lakhi vepho pinyive keshi nani, ti ye atachu shikhave kehu amibalu pelu kepu momu azü shophelu kepu qhemi litsa ghi aghi move nani.”

ISAIAH 57:12

I no nongu chipiu ngo nongu kümla lhevetsü nani, ikemu ti ye nongu la shimla nani.

ISAIAH 57:7

Nongu no atoghi qhemghai keu lo nongu lüpa shipe qhike, eno tilau akümllagho tsünike iqhoe.

ISAIAH 59:18

Pa no panoqo kümla kiqi lono, lochile nani, axukighide pesü pa mjochile akemi ngo pa ghümi lochile nani; azüghi küdau akemi lau Pa no lochile nani.

ISAIAH 65:6

Julo, I zülo hitoi yepüani: Ni ye inaqhoi ngomo nani, ikemu lochile nani; kuchou no I no pano lukobo lo lepukutsü nani.

ISAIAH 66:4

Ni ghi panongu ghenguno aghimepu kishetsü nani; eno panongu no msa chekeu panongu shou pukutsü nani, kughengu khunomu I no kukeu lo khochile moe, I no pütsa kelo, panongu no ini tsümoe; ikemu kiu no I nhethe lo axine keno, panongu no ti shike, eno I no pulomo keu kishelu ke.”

JEREMIYA 13:25

Hi no o saje, I no o saje mighi phevae, Ampeu no asheshu, kughengu nono I kümsümave eno akimki shou pükhübe ke.

JEREMIYA 13:27

I no ow kuchhube kümla, o shupu asalha eno akimine, atoghi lo nono kütüqha keu ithuluvae. O Jerusalem, o hasapue! Khitohi no ye mithe mono anani kea?”

JEREMIYA 16:18

Ikemu I no pano kipimi eno axine küghüsü no lochile paghini aphi, kughengu panongu no akimthipu julho kithi kumoqo pesü I yeghi shipixi, eno aphikümqhüpu jeli pesü I mheghi yeghi chhitoive tsüke.”

JEREMIYA 5:29

Hipaqo ghenguno Ni ye panoqo ghime moni keshea? ipi Ampeu no sheshu, eno shiye hitoi keu shou I mkhü lumoni keshea?”

JEREMIYA 5:9

Hipaqo ghenguno Ni ye panongu ghime moni keshea? ipi Ampeu no asheshu; eno Ni ye shiye hitoi keu shou I mkhü lumoni keshea?

EZEKEL 18:6

tsala pa no naghutoqo shou no chushomo momu Israel kibolomi sü-atu julhoqo shou pa nhethi jupukumo, pa kisüghüu nipu shikitiqemo momu aqhi lo aji wokeu dolono totimi ika wumo,

DANIEL 9:8

O Ampeu, ningu ghengu ye ikhikiphe kukujopu shivae, kughengu ningu eno niw kükami, kükapumi eno ni puasüqo no O shou axine shive ke.

HOSIYA 11:2

Khijehi panoqo ku keno tijehi panongu no putosülo wuve; panongu no Baalqo lau aghashi eno ajulhoqo lau piti mllauve.

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

ACHINE 26:39

Nongu xüaghi kemi ye nongu eno no puasü xine ghenguno no ghümi yeghi lono hauve nani.

AKIKIHI 32:14

Julo, Israelmi shou Ampeu xukighide kighishe penike nongu axinemi tianuliqo no nongu papuqo theli lo ipeghivae!

Luke 6:38

tsülo, eno o tsü nani. Akimghi bohu chili, inadasü, kunosü, eno yele-qole nongu u lo sütsü nani. Kughengu nongu no akimghipu peitha keu pesü nongu lau mighi chile puwu nani.”

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.