ISAIAH 65:24 - Sumi Naga CL (Re-edited) Bible (BSI)

²⁴ Panongu no I kumphi lono I no khochile nani; panongu no pi aphi lono I no chiluve nani.

BAIBEL (BSI)

²⁴ Panonguno ilau inikhu tavemphi lonomu, ino panoqo kighini chilutsu nani.

ISAIAH 65:24 Mawu Ofanana

BOTHUBO 24:15

Pa no atsa pi tamphi lono, julo, Bethuel nonga Rebekah no azübohu li bighi lo xapu ighi. Bethuel ye Abraham thiküzüu, Nahor nipu Milcah no punuke.

KUKAMI AKINIU 19:20

Tileno Amoz nu Isaiah no Hezekiah lau pi puwu, “Ampeu, Israel Lhou no ishi piani: Nono Assyria kükau Sennacherib ghenguno I lau inikhu keu I no chiluvae.

LESHELE 32:5

I no I xine O lau pipheve eno I kipimi küsümoe; I no pi, “I kipimi Ampeu lau pipheni,” eno Nono I xine kipimi qhivetsü.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

ISAIAH 30:19

Nongu Zionmi, Jerusalem lo küami ye mloqa moae. Nongu no kuchou no Ampeu lau ighamku kelo Pa no küpüqhiyi nani. Pa no ti chilu kemtsa nongu khochile nani.

ISAIAH 41:17

‘Kughou kumlhomi ngo kühakemi no azü phuwu, eno azü kühave kehu, panongu kughoki no tüghüthi kelauno qhaiveni keno, Ni Ampeu no panongu khochiletsü nani. Ni, Israel Lhou ye khilemu panoqo qhivemo nani.

ISAIAH 55:6

“Ampeu phulu kepushi ake lono, Pa phulu lo; Pa no kupunupe ake lono, Pa kuluve lo.

ISAIAH 58:9

Tileno nongu no ighamku nani eno Ampeu no khochiletsü nani, nongu no ku nani eno Ampeu no pinani, “Ni hile ani.” Tsala nongu no kuokhasü nongu dolono ikhi süwuve aye, eno kütami nguku keu ngo kixikila tsa pikeu ikhive aye,

ISAIAH 59:1

Julo, Ampeu u ye ikholove no nongu xaluni keu tolumo ake kumoe, momu Pa kini ye ipove no nongu sütsa chilumo ake kumoe;

DANIEL 10:12

Tileno pa no I vilo pi, “Msa kevilo, Daniel, kughengu nono o mlo tsüqhiyi vethaluni ye pükapütsa keu eno o Lhou zülo aqhokighe shi ighikeu tsala hukuthu lono o tsa chiluve tsüae, eno ni ye o tsa ghenguno ighi anie.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

Mark 11:24

Tighenguno I no nongu vilo piani, nongu no kiu kiumu akighini lono khu kelo, ti ithuluvae pi pülülo, tishi aye ti ye ow shilu nani.

Apostolmi 4:31

Panongu no inikhuve kethiu, panongu no kuho akeu-a süküthü, eno Aghungu Kimthe no panongu kümtsü shepichhive no amlo kumto lono Alhou tsa pikibe ae.