ISAIAH 54:13 - Sumi Naga CL (Re-edited) Bible (BSI)

¹³ O tianuli kümtsü Ampeu no shika nani, eno o tianuli lau alakishi shishe kije tsü nani.

BAIBEL (BSI)

¹³ “Ni ampino nowu timi shikapiye nani, eno kinikulu ngo alakishi panoqo tsu nani.

ISAIAH 54:13 Mawu Ofanana

LESHELE 119:165

Khunono O yezah kimiye cheni keno aloino keu kije ani; kiu nomu pano pukhu küpxa lumo nani.

LESHELE 119:33

O Ampeu, O zakütsü laghiqo I shika tsülo; eno I no ashekha kutolo tipau papeni.

LESHELE 147:14

Pa no no yeghi lughi lo külashi tsü; Pa no athi akiviu pesü O shepichhi tsüke.

LESHELE 71:17

O Alhou, I lhothe ghuloki lono Nono I shika ighivae, eno Ow akümzapu kümlaqo I no sheshu aphie.

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

ISAIAH 2:3

ashiaye jelino ighi no pi nani: “Ighilo, ningu Ampeuw naghuto lo iqhoni, Israel Lhou kilo wuni, tileno Pa no Pa laghiqo ni shika peni, tishianguno nino tipau lo checheni.” Kughengu Ayezah ye Zion lono ipeghi nani, eno Jerusalem lono Ampeu tsa ipeghi nani.

ISAIAH 26:3

O shou pükhübelu kehu amlo itha mono O gholo ache kemi ye Nono kupukülai keu lokiqi tsücheni.

ISAIAH 28:9

“Pa ye khuu shika niye ani, khuu lau atsape hepho piye nani kea? Anga anileshi khoveno akeqo lau keo?

ISAIAH 29:24

Izüichoi kemi no vethalu nani, eno muchho munu chekemi no akükütsütsa ikhiluve nani.”

ISAIAH 48:18

Nongu no I yezah papeke aye lae! Tishike aye, nongu lokughuno no aghoki toi qoighini cheke, eno nongu mikucho no azü fukukucho toini cheke;

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

ISAIAH 54:12

O ki kütsüqa ye ruby tu pesü shitsü nani, ow khagho ye carbuncle pesü shitsü nani, eno o liwo ye kümtsü akughupu tu pesü mlatsü nani.

ISAIAH 55:12

“Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

ISAIAH 66:12

Ampeu no ishi piani: “Julo, I no aloino keu aghoki toi süghi tsüni, eno aghoki qotamo keu toi shiyeqo kinikülü nongu lau qoighipe nani; aza no anga tuchomjo akeshi li no khape eno li lukobo lo khape alokivi shi kilhe ketoi nongu tuchomjo nani.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 33:6

Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

EZEKEL 34:28

Panongu ye shiyeqo no ghime keu shimo nani momu tüghashiqo no tsüqhimo nani. Panongu ye sükusho lono küghünalu nani eno khunomu panoqo shikümsa mla nani.

EZEKEL 37:26

I no panoqo sasü külakishi puloshoqhi shi nani. Ti ye panoqo sasü shekhaha puloshoqhi shikeu ke. I no pano yeghi lo panoqo qhino kughukotsü nani, eno alholo panoqo gholo I kimthe-a qhinani.

HOSIYA 2:18

Tipa tsalani, I no panoqo ghenguno aluza lo tüghashi, kungu ghau, ayeghi lo itikiche lhoxü sasü puloshoqhi shi nani. I no aghakhu lono shexilika, azütakikihi, eno aghükishi lakhave tsü nani, eno nongu pelo aküighüpu kühave no ikiqi ihozü lupe nani.

MICAH 4:2

eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

ZEKHARIA 10:7

Tishino Ephraim ye aghütomi toive nani, atsaiji shove keshi panongu mlo ye alokiqi shi nani. Pano tianuliqo no ti ithulupe alovi nani; pano mlo no Ampeu lau alovi nani.

MATTHEW 16:17

Jisü no pa vilo pi, “Jonah nu Simon, no ye akümghapue! Kughengu timi shi aji no o lau hi pephe piyeke kumoe, ikemu I Pu kungugha lo akeu noke.

Luke 24:45

Tileno Kuchoyesü ithikuthulu penike pa no panoqo kükümsü xükhotsü,

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 5:1

Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

1 Kor. 2:10

thime hipaqo Alhou no Aghungu vecheo ni lau pephe piyevae. Kughengu Aghungu no Alhouw kuthoküzü kutolo thokha lheju cheni.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

Ephesiami 4:21

Nongu ye mtsüqheino Pa ghili chiluvae, eno kuchou huno Jisü lau aketoi Pa launo nongu shika puthu luvae.

FILIPIAMI 4:7

Eno Alhouw aloino keu khikhi timiw vethakulu nguno alau keno, tino Khristo Jisü küdau no nongu mlo eno nongu kükümsü khekuto anani.

1 Thes. 4:9

Athiküzümi kimiye kileni keu vehu lo khunomu nongu lau ye akepu vehu kühae, kughengu lakhino lakhi kimiye kileni keu ye Alhou no nongu shikavae,

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

IBRIMI 8:11

Panongu khumu pano küsau momu pano thiküzümi vilo, ‘Ampeu ithilo’ ipimo nani, kughengu panongu gholo akitilau lono akijeu kutolo kümtsü no Ni ithi nani.

1 John 2:20

Ikemu nongu ye Akimtheu huno nukishelu püani, eno kümtsü no kuchou kighithi ani.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.